ບົດຮຽນສ້າງຄວາມຮັ່ງມີຂອງ “ນາຍບ້ານກາເຟ”

ບ້ານຊິ່ນໄຈ້ ຕັ້ງຢູ່ຕີນພູກ່າວລີກົ້ງ. ແຫ່ງນີ້ມີດິນຟ້າອາກາດພິເສດ, ເປັນແດນທຳມະຊາດທີ່ດີສຳລັບການປູກກາເຟເມັດນ້ອຍ. ແຕ່ຍ້ອນວ່າຂາດການວາງແຜນເປັນເອກະພາບກັນ ແລະ ບໍ່ມີຄວາມສາມາດຮັບມືກັບຕະຫຼາດ, ການປູກກາເຟຢູ່ທີ່ນີ້ໄດ້ຕົກຢູ່ໃນຄວາມຫຍຸ້ງຍາກໃນໄລຍະໜຶ່ງ, ຂະໜາດການຜະລິດແມ່ນຍາກທີ່ຈະຮັບປະກັນໄດ້.

△ຮູບແຕ້ມກາເຟເທິງກຳແພງຂອງບ້ານຊິ່ນໄຈ້

ໃນຖານະເປັນຜູ້ນຳພາບ້ານຊິ່ນໄຈ້, ເມື່ອເຫັນສະພາບນີ້ແລ້ວ ທ່ານ ວາງເຈ່ຍເວີຍ ກໍມີຄວາມກັງວົນຫຼາຍ. ລາວຈຶ່ງໄປລະດົມເງິນທຶນຈາກຝ່າຍຕ່າງໆ ທັງສ້ອມແປງຄອງນ້ຳ ເສັ້ນທາງ ແລະ ໂຄງການຊົນລະປະທານ, ຕິດຕັ້ງດອກໄຟປາບສັດຕູພືດດ້ວຍພະລັງງານແສງຕາເວັນ ເຊິ່ງທັງໝົດເຫຼົ່ານີ້ໄດ້ປ່ຽນແປງເງື່ອນໄຂການຜະລິດຂອງບ້ານຊິ່ນໄຈ້ຢ່າງເຖິງຖອງ. ມາດຕະການເຫຼົ່ານີ້ ບໍ່ພຽງແຕ່ໄດ້ຮັບປະກັນການຜະລິດກາເຟ ແລະ ເພີ່ມລາຍໄດ້ຢ່າງໝັ້ນທ່ຽງເທົ່ານັ້ນ, ຍັງໄດ້ສ້າງພື້ນຖານອັນໝັ້ນແກ່ນໃຫ້ແກ່ການພັດທະນາກະສິກຳທົ່ວທັງບ້ານອີກດ້ວຍ.

△ຕົ້ນກາເຟເປັນແຜ່ນໆທີ່ປູກຢູ່ບ້ານຊິ່ນໄຈ້