ຈັດກອງປະຊຸມກົນໄກຮ່ວມມືດ້ານການປະຕິບັດກົດໝາຍເພື່ອຄວາມໝັ້ນຄົງຈີນ-ຣັດເຊຍຄັ້ງທີ 9

ວັນທີ 13 ພະຈິກນີ້, ທ່ານ ເຊີນເວີນຊິ່ງ ກຳມະການກົມການເມືອງສູນກາງພັກປະທານຄະນະການເມືອງ ແລະ ກົດໝາຍສູນກາງພັກຄອມມູນິດຈີນ ໄດ້ພົບປະກັບທ່ານ ເຊີເກ ຊອຍກູ ປະທານສະພາຄວາມໝັ້ນຄົງແຫ່ງສະຫະພັນຣັດເຊຍຢູ່ນະຄອນຫຼວງປັກກິ່ງ ແລະ ຮ່ວມກັນເປັນປະທານກອງປະຊຸມກົນໄກຮ່ວມມືດ້ານການປະຕິບັດກົດໝາຍເພື່ອຄວາມໝັ້ນຄົງຈີນ-ຣັດເຊຍຄັ້ງທີ 9.

ທ່ານ ເຊີນເວີນຊິ່ງ ກ່າວວ່າ: ນັບແຕ່ກົນໄກຮ່ວມມືດ້ານການປະຕິບັດກົດໝາຍເພື່ອຄວາມໝັ້ນຄົງຈີນ-ຣັດເຊຍສ້າງຕັ້ງຂຶ້ນເປັນເວລາ 11 ປີມານີ້, ອົງການປະປະຕິບັດກົດໝາຍເພື່ອຄວາມໝັ້ນຄົງຂອງສອງປະເທດໄດ້ຮ່ວມມືກັນຢ່າງໃກ້ຊິດໃນຫຼາຍຂົງເຂດ ເຊັ່ນ: ການປ້ອງກັນຄວາມໝັ້ນຄົງດ້ານການເມືອງ, ຕໍ່ຕ້ານການກໍ່ການຮ້າຍ, ປະສານສົມທົບດ້ານຍຸຕິທຳ ແລະອື່ນໆ ເຊິ່ງໄດ້ຮັບຜົນງານຢ່າງແທ້ຈິງຫຼາຍປະການ, ໄດ້ສ້າງສິ່ງຄ້ຳປະກັນອັນເຂັ້ມແຂງໃຫ້ແກ່ການຂະຫຍາຍເນື້ອໃນຄວາມໝັ້ນຄົງຂອງສາຍພົວພັນສອງປະເທດ. ສອງຝ່າຍຕ້ອງຮ່ວມກັນຕໍ່ຕ້ານ ແລະ ຮັບມືກັບສິ່ງທ້າທາຍ ແລະ ໄພຂົ່ມຂູ່ດ້ານຄວາມໝັ້ນຄົງ, ເພີ່ມທະວີຄວາມສາມາດດ້ານການປ້ອງກັນຄວາມໝັ້ນຄົງ, ເພື່ອສະໜອງການບໍລິການແກ່ການ ພັດທະນາໃຫ້ຈະເລີນຂອງໃຜລາວ.

ທ່ານ ເຊີເກ ຊອຍກູ ກ່າວວ່າ: ຣັດເຊຍຍິນດີຊຸກຍູ້ການຮ່ວມມືດ້ານການປະຕິບັດກົດໝາຍເພື່ອຄວາມໝັ້ນຄົງຣັດເຊຍ-ຈີນຢ່າງຮອບດ້ານ, ປົກປ້ອງຜົນປະໂຫຍດດ້ານຄວາມໝັ້ນຄອງຂອງສອງປະເທດໃຫ້ດີກວ່າເກົ່າ.

.md_Laos_page01 .md_hd{width:300px;}

ຄໍລຳ

ຮູບພາບ