ນາຍົກຈີນແລະ ຫວຽດນາມ ເຂົ້າຮ່ວມພິທີແລກປ່ຽນເອກະສານວ່າດ້ວຍການສ້າງຕັ້ງສະຖານກົງສຸນໃຫຍ່ຫວຽດນາມ ປະຈຳກຳແພງນະຄອນຈຸງກິ່ງ

ຕອນບ່າຍວັນທີ 7 ພະຈິກນີ້, ຢູ່ນະຄອນຄຸນໝິງແຂວງຢຸນນານຈີນ, ທ່ານຫຼີສຽງ ນາຍົກລັດຖະມົນຕີຈີນ ພ້ອມດ້ວຍທ່ານຟາມມິ່ງຈິງ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມພິທີແລກປ່ຽນເອກະສານວ່າດ້ວຍການສ້າງຕັ້ງສະຖານກົງສຸນໃຫຍ່ຫວຽດນາມປະຈຳກຳແພງນະຄອນຈຸງກິ່ງ.

ທ່ານຫຼີສຽງກ່າວວ່າ: ຈີນຍິນດີຮ່ວມກັບຫວຽດນາມສືບຕໍ່ຜັນຂະຫຍາຍຄວາມເຫັນເປັນເອກະພາບກັນຂອງການນຳຂັ້ນສູງຂອງສອງພັກສອງລັດ, ເປີດກວ້າງຂະໜາດການຄ້າແລະການລົງທຶນ, ຂຸດຄົ້ນກຳລັງແຮງບົ່ມຊ້ອນດ້ານການຮ່ວມມືໃນຂົງເຂດຈະເລີນໃໝ່, ເລັ່ງລັດສ້າງການເຊື່ອມໂຍງເຊື່ອມຈອດກັນ, ເພີ່ມທະວີການປະສານງານຫຼາຍຝ່າຍ, ຊຸກຍູ້ການສ້າງປະຊາຄົມຮ່ວມຊາຕາກຳຈີນ-ຫວຽດນາມໃຫ້ລົງສູ່ລວງເລິກແລະມີຜົນສຳເລັດທີ່ແທ້ຈິງ.

ທ່ານຟາມມິ່ງຈິງ ກ່າວວ່າ: ຫວຽດນາມ ຍິນດີລົງເລິກການຮ່ວມມື ໃນຂົງເຂດຕ່າງໆກັບຈີນ, ເພີ່ມທະວີການຕິດຕໍ່ພົວພັນ ແລະ ການປະສານສົມທົບກັນໃນວຽກງານຫຼາຍຝ່າຍ, ຊຸກຍູ້ການສ້າງປະຊາຄົມຮ່ວມຊາຕາກຳຫວຽດນາມ - ຈີນ ໃຫ້ໄດ້ຮັບຜົນງານຫຼາຍກ່ວາເກົ່າ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ເທດສະການຮູບເງົາດີເດັ່ນລາວ-ຈີນ 2024 ຈັດຂຶ້ນຢ່າງຍິ່ງໃຫຍ່