ຈີນຍິນດີຮ່ວມກັບບັນດາຝ່າຍສືບຕໍ່ເພີ່ມທະວີການຮ່ວມມືສ້າງຄວາມໝັ້ນຄົງດ້ານສະບຽງອາຫານ ແລະ ຮ່ວມກັນສ້າງໂລກທີ່ບໍ່ມີຄວາມອຶດຫິວ

ວັນທີ 16 ຕຸລານີ້, ທ່ານນາງ ເມົານີງ ໂຄສົກກະຊວງການຕ່າງປະເທດຈີນເປັນປະທານກອງປະຊຸມຖະແຫຼງຂ່າວ. ວັນທີ 16 ຕຸລາແມ່ນວັນສະບຽງອາຫານໂລກ, ໃນເວລາຕອບຄຳຖາມທີ່ກ່ຽວຂ້ອງ, ທ່ານນາງ ເມົານີງກ່າວວ່າ: ຄວາມໝັ້ນຄົງດ້ານສະບຽງອາຫານແມ່ນໜຶ່ງໃນ 8 ຂົງເຂດຮ່ວມມືທີ່ສຳຄັນຂອງຂໍ້ລິເລີ່ມການພັດທະນາທົ່ວໂລກ. ຈີນຍິນດີຮ່ວມກັບບັນດາຝ່າຍສືບຕໍ່ເພີ່ມທະວີການຮ່ວມມືສ້າງຄວາມໝັ້ນຄົງດ້ານສະບຽງອາຫານ, ຮ່ວມກັນສ້າງໂລກທີ່ບໍ່ມີຄວາມອຶດຫິວ.

ທ່ານນາງ ເມົານີງຊີ້ໃຫ້ເຫັນວ່າ: ຈີນແມ່ນປະເທດໃຫຍ່ອັນດັບໜຶ່ງຢູ່ໃນໂລກ ດ້ານການຜະລິດສະບຽງອາຫານ, ດິນປູກຝັງຂອງຈີນບໍ່ມີຮອດ 9% ຂອງທົ່ວໂລກ, ແຕ່ຍອດປະລິມານຜົນຜະລິດກວມປະມານ 25% ຂອງໂລກ ເຊິ່ງໄດ້ແກ້ໄຂບັນຫາເຂົ້າກິນຂອງປະຊາກອນຈີນຈຳນວນ 1 ຕື້ 400 ລ້ານກວ່າຄົນ. ພ້ອມດຽວກັນນັ້ນ, ຈີນຍັງໄດ້ເອົາໃຈໃສ່ເປັນຢ່າງສູງຕໍ່ບັນຫາຄວາມໝັ້ນຄົງດ້ານສະບຽງອາຫານທົ່ວໂລກ, ໄດ້ກາຍເປັນປະເທດພວມພັດທະນາທີ່ໃຫ້ທຶນຊ່ວຍເຫຼືອຫຼາຍທີ່ສຸດ, ສົ່ງຜູ້ຊ່ຽວຊານໄປຕ່າງປະເທດຫຼາຍທີ່ສຸດ ແລະ ດຳເນີນໂຄງການຫຼາຍທີ່ສຸດພາຍໃຕ້ຂອບການຮ່ວມມືໃຕ້-ໃຕ້ຂອງອົງການອາຫານ ແລະ ການກະເສດແຫ່ງສະຫະປະຊາຊາດ ຫຼື FAO.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ເຂດທະຫານພາກຕາເວັນອອກຈີນດຳເນີນການຊ້ອມຮົບພາຍໃຕ້ລະຫັດ “ດາບປະສົມ-2024B”