ໄຕມາດທີ1ປີນີ້ ປະລິມານການຜະລິດລົດຍົນຂອງຈີນເພີ່ມຂຶ້ນ6,4%, ປະລິມານການຈຳໜ່າຍເພີ່ມຂຶ້ນ 10,6%

ອີງຕາມແຫຼ່ງຂ່າວຈາກສະມາຄົມອຸດສາຫະກຳລົດຍົນຈີນແຈ້ງໃຫ້ຮູ້ໃນວັນທີ10ເມສານີ້ວ່າ: ນັບແຕ່ເດືອນມັງກອນຫາເດືອນມີນາປີນີ້, ປະລິມານການຜະລິດລົດຍົນຂອງຈີນໄດ້ບັນລຸເຖິງ 6.606.000 ຄັນ ເພີ່ມຂຶ້ນ6,4% ເມື່ອທຽບໃສ່ໄລຍະດຽວກັນຂອງປີ2023ຜ່ານມາ, ຂະນະທີ່ປະລິມານການຈຳໜ່າຍບັນລຸເຖິງ 6.720.000 ຄັນ, ເພີ່ມຂຶ້ນ 10,6%.

ອີງຕາມຂໍ້ມູນສະຖິຕິຂອງສະມາຄົມອຸດສາຫະກຳລົດຍົນຈີນສະແດງໃຫ້ເຫັນວ່າ: ປະລິມານການຜະລິດ ແລະ ຈຳໜ່າຍລົດພະລັງງານໃໝ່ຂອງຈີນໄດ້ສືບຕໍ່ມີທ່ວງທ່າເພີ່ມຂຶ້ນຢ່າງວ່ອງໄວ. ນັບແຕ່ເດືອນມັງກອນຫາເດືອນມີນາປີນີ້, ປະລິມານການຜະລິດລົດພະລັງງານໃໝ່ບັນລຸເຖິງ 2.115.000 ຄັນ, ເພີ່ມຂຶ້ນ 28,2%ເມື່ອທຽບໃສ່ໄລຍະດຽວກັນຂອງປີ2023ຜ່ານມາ, ຂະນະທີ່ປະລິມານການຈຳໜ່າຍບັນລຸເຖິງ 2.090.000 ຄັນ, ເພີ່ມຂຶ້ນ 31,8%, ເຊິ່ງຄອງຕະຫຼາດກວມເຖິງ31,1%.

ນັບແຕ່ເດືອນມັງກອນຫາເດືອນມີນາປີນີ້, ຈີນໄດ້ສົ່ງອອກລົດຍົນ1.324.000 ຄັນ, ເພີ່ມຂຶ້ນ 33,2% ເມື່ອທຽບໃສ່ໄລຍະດຽວກັນຂອງປີ2023ຜ່ານມາ, ໃນນີ້ ສົ່ງອອກລົດພະລັງງານໃໝ່ເຖິງ 307.000 ຄັນ, ເພີ່ມຂຶ້ນ 23,8%.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ

ຄວາມຫວັງໃຫຍ່ທີ່ສຸດຂອງລາວ ຄືຜະລິດທັນຍາຫານໃຫ້ຫຼາຍກວ່າເກົ່າ