ທ່ານສີຈິ້ນຜິງສົ່ງສານອວຍພອນໄປຍັງທ່ານບາສິຣູ ດີໂອມາເຢ ຟາເຢທີ່ໄດ້ຮັບເລືອກຕັ້ງເປັນປະທານາທິບໍດີເຊເນການ
ວັນທີ 28 ມີນານີ້, ທ່ານສີຈິ້ນຜິງ, ປະທານປະເທດຈີນໄດ້ສົ່ງສານອວຍພອນໄປຍັງທ່ານບາສິຣູ ດີໂອມາເຢ ຟາເຢ, ເພື່ອສະແດງຄວາມຊົມເຊີຍຕໍ່ທ່ານທີ່ໄດ້ຮັບເລືອກຕັ້ງເປັນປະທານາທິບໍດີຂອງເຊເນການ.
ເນື້ອໃນສານຂອງທ່ານສີຈິ້ນຜິງໄດ້ຊີ້ອອກວ່າ: ນັບແຕ່ຈີນໄດ້ສ້າງຕັ້ງສາຍພົວພັນທາງການທູດກັບເຊເນການເປັນຕົ້ນມາ, ຄວາມໄວ້ເນື້ອເຊື່ອໃຈກັນດ້ານການເມືອງລະຫວ່າງສອງປະເທດໄດ້ຮັບການເພີ່ມທະວີຂຶ້ນຢ່າງບໍ່ຢຸດຢັ້ງ, ການຮ່ວມມືຢ່າງຕິດແທດຕົວຈິງໄດ້ຮັບຜົນສຳເລັດຢ່າງອຸດົມສົມບູນ, ສອງປະເທດໄດ້ປະສານງານກັນຢ່າງແໜ້ນແຟ້ນໃນວຽກງານສາກົນ. ໃນຖານະທີ່ເປັນປະເທດປະທານຮ່ວມຂອງເວທີເປິກສາຫາລືການຮ່ວມມືລະຫວ່າງຈີນ-ອາຟຣິກາ, ສອງຝ່າຍຈະຈັດກອງປະຊຸມສຸດຍອດເວທີເປິກສາຫາລືການຮ່ວມມືຈີນ-ອາຟຣິກາຮ່ວມກັນຢູ່ຈີນໃນປີ 2024 ນີ້. ຂ້າພະເຈົ້າເອົາໃຈໃສ່ໃນລະດັບສູງຕໍ່ການພັດທະນາດ້ານການພົວພັນລະຫວ່າງຈີນ-ເຊເນການ, ຍິນດີພະຍາຍາມຮ່ວມກັນກັບທ່ານຟາເຢທີ່ໄດ້ຮັບເລືອກຕັ້ງເປັນປະທານາທິບໍດີຂອງເຊເນການ, ຊຸກຍູ້ໃຫ້ການພົວພັນລະຫວ່າງຈີນ-ເຊເນການ, ກໍຄືຈີນ-ອາຟຣິກາໄດ້ຮັບການພັດທະນາຢ່າງຕໍ່ເນື່ອງ, ສ້າງຄວາມສຸກໃຫ້ແກ່ປະຊາຊົນສອງຝ່າຍຢ່າງດີກວ່າເກົ່າ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ເຂດຊີ່ຈ້າງຈີນສະເຫຼີມສະຫຼອງວັນລະນຶກທາດກະສິກອນທີ່ເປັນລ້ານຄົນໄດ້ຮັບການປົດປ່ອຍຢ່າງຟົດຟື້ນ