ເລີ່ມອອກອາກາດລາຍການຮູບເງົາແລະໂທລະພາບທີ່ດີເດັ່ນຂອງ CMG ຢູ່ບຣາຊິນ

ເນື່ອງໃນໂອກາດທ່ານສີຈິ້ນຜິງ ປະທານປະເທດຈີນຈະເດີນທາງໄປນະຄອນຣີໂອເດີຈາເນໂຣຂອງບຣາຊິນເພື່ອເຂົ້າຮ່ວມກອງປະຊຸມສຸດຍອດກຸ່ມ 20 ປະເທດ ຫຼື G20 ຄັ້ງທີ 19 ແລະຢ້ຽມຢາມບຣາຊິນທາງລັດຖະກິດ, ຫວ່າງບໍ່ດົນມານີ້, ກິດຈະກຳອອກອາກາດລາຍການຮູບເງົາແລະໂທລະພາບທີ່ດີເດັ່ນຂອງວິທະຍຸໂທລະພາບສູນກາງຈີນ ຫຼື CMG ຢູ່ບຣາຊິນໄດ້ເລີ່ມດຳເນີນຢູ່ນະຄອນຊາວ ພາວໂລຂອງບຣາຊິນ. ລາຍການຮູບເງົາແລະໂທລະພາບທີ່ດີເດັ່ນຂອງ CMG 20 ກວ່າເລື່ອງເຊິ່ງລວມທັງລາຍການ“ເລື່ອງລາວຂອງທ່ານສີຈິ້ນຜິງ”ແລະອື່ນໆໄດ້ເລີ່ມອອກອາກາດພ້ອມກັນຜ່ານສື່ມວນຊົນຫຼັກ 10 ກວ່າແຫ່ງຂອງທ້ອງຖິ່ນ.

ທ່ານເຊິ້ນໄຫຊົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ ຜູ້ອຳນວຍການໃຫຍ່ CMG ໄດ້ກ່າວຄຳປາໄສຜ່ານທາງວິດີໂອ. ທ່ານຢູຍເພີງ ກົງສຸນໃຫຍ່ຈີນປະຈຳຊາວ ພາວໂລ ພ້ອມດ້ວຍຜູ້ຮັບຜິດຊອບທີ່ກ່ຽວຂ້ອງຂອງສື່ມວນຊົນຕ່າງໆບຣາຊິນໄດ້ເຂົ້າຮ່ວມກິດຈະກຳແລະກ່າວຄວາມເຫັນ.

.md_Laos_page01 .md_hd{width:300px;}