ທ່ານປູຕິນກວ່າວ່າ:ການພົວພັນຣັດເຊຍ-ຈີນແມ່ນສ້າງຕັ້ງຂຶ້ນບົນພື້ນຖານທີ່ຮັບຟັງ ແລະ ເຄົາລົບເຊິ່ງກັນແລະກັນ

ກອງປະຊຸມສຸດຍອດປະເທດບຣິກສ໌ຄັ້ງທີ 16 ຈະຈັດຂຶ້ນຢູ່ນະຄອນຄາຊານຂອງຣັດເຊຍລະຫວ່າງວັນທີ 22 ຫາ 24 ຕຸລານີ້. ວັນທີ 18 ຕຸລານີ້, ໃນເວລາພົບປະກັບຜູ້ຕາງໜ້າສື່ມວນຊົນສຳຄັນຂອງປະເທດບຣິກສ໌ຢູ່ນະຄອນຫຼວງມົສກູ ທ່ານວະລາດີເມຍ ປູຕິນ ປະທານາທິບໍດີຣັດເຊຍໄດ້ຕອບຄຳຖາມຂອງນັກຂ່າວວິທະຍາໂທລະພາບສູນກາງຈີນຫຼື CMG. ທ່ານກ່າວວ່າ: ການພົວພັນຣັດເຊຍ-ຈີນແມ່ນສ້າງຕັ້ງຂຶ້ນບົນພື້ນຖານທີ່ຮັບຟັງ ແລະ ເຄົາລົບເຊິ່ງກັນແລະກັນ. ໃນການຮ່ວມມືລະຫວ່າງສອງປະເທດ, ນີ້ບໍ່ພຽງແຕ່ແມ່ນຄວາມຮັບຮູ້ທີ່ເປັນເອກະພາບກັນເທົ່ານັ້ນ ທັງແມ່ນການກະທຳທີ່ເປັນຮູບປະທຳນຳອີກ.

CGTN ຂອງວິທະຍຸໂທລະພາບສູນກາງຈີນແມ່ນສື່ມວນຊົນຈີນພຽງແຫ່ງດຽວທີ່ເຂົ້າຮ່ວມງານສົນທະນາລະຫວ່າງທ່ານປູຕິນ ກັບ ສື່ມວນຊົນສຳຄັນປະເທດບຣິກສ໌.

ເມື່ອເວົ້າເຖິງຍຸດທະສາດຂອງອາເມຣິກາທີ່ສະກັດກັ້ນຕໍ່ຈີນ, ທ່ານປູຕິນກ່າວວ່າ: ອາເມຣິກາບໍ່ສາມາດສະກັດກັ້ນການພັດທະນາຂອງຈີນໄດ້. ການສະກັດກັ້ນການພັດທະນາຂອງຈີນຍັງຈະສ້າງຜົນກະທົບທາງລົບຕໍ່ເສດຖະກິດອາເມຣິກາ, ຖ້າສືບຕໍ່ເດີນຕາມເສັ້ນທາງສາຍນີ້, ອາເມຣິກາຈະເສຍກຳລັງແຂ່ງຂັນໃນຂົງເຂດຕ່າງໆໂດຍທົ່ວໄປ.

.md_Laos_page01 .md_hd{width:300px;}

ຄໍລຳ

ຮູບພາບ