ສະພາຄວາມໝັ້ນຄົງອົງການສະຫະປະຊາຊາດຜ່ານມະຕິຮຽກຮ້ອງໃຫ້ບັນລຸການຢຸດຍິງຢູ່ເຂດກາຊາ

ວັນທີ 10 ມິຖຸນານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ຜ່ານມະຕິເລກທີ 2735, ຮຽກຮ້ອງໃຫ້ບັນລຸການຢຸດຍິງຢ່າງ “ທັນທີ, ຮອບດ້ານແລະເຖິງຖອງ”, ເພື່ອສິ້ນສຸດການປະທະກັນລະຫວ່າງປາແລັດສະຕິນແລະອິດສະຣາແອນທີ່ໄດ້ດຳເນີນມາເປັນເວລາ 8 ເດືອນແລ້ວໂດຍໄວເທົ່າທີ່ຈະໄວໄດ້.

ມະຕິດັ່ງກ່າວໄດ້ຮັບການສະໜັບສະໜູນຈາກ 14 ປະເທດທີ່ປະກອບມີ 15 ປະເທດສະມາຊິກຂອງສະພາຄວາມໝັ້ນຄົງອົງການສະຫະປະຊາຊາດ, ຣັດເຊຍງົດອອກສຽງ. ມະຕິດັ່ງກ່າວຮຽກຮ້ອງໃຫ້ອິດສະຣາແອນແລະຂະບວນການຕໍ່ຕ້ານອິດສະຣາມິກຫຼືຮາມັສຈັດຕັ້ງປະຕິບັດຕາມມະຕິຢ່າງຮອບດ້ານໂດຍ “ບໍ່ເລື່ອນເວລາແລະບໍ່ມີເງື່ອນໄຂໃດໆ.”

ມະຕິໄດ້ສະເໜີແຜນການຢຸດຍິງຮອບດ້ານຢູ່ເຂດກາຊາທີ່ແບ່ງເປັນ 3 ໄລຍະ. ມະຕິຕົກລົງລະບຸວ່າ: ຖ້າວ່າການເຈລະຈາໃນໄລຍະທຳອິດໃຊ້ເວລາຫຼາຍກວ່າ 6 ອາທິດ, ການຢຸດຍິງຈະດຳເນີນໄປຢ່າງຕໍ່ເນື່ອງ, ຈົນເຖິງການເຈລະຈາຢຸດຍິງສິ້ນສຸດລົງ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ