ລົດຕູ້ຄອນເທັນເນີທີ່ບັນທຸກອຸປະກອນການຖ່າຍທອດສົດງານກິລາໂອລິມປິກປາຣີຂອງ CMG ໄດ້ປາກົດຕົວຢູ່ນະຄອນຫຼວງປາຣີ
ວັນທີ 5 ກໍລະກົດນີ້, ລົດຕູ້ຄອນເທັນເນີສີແດງງວດທຳອິດທີ່ບັນທຸກອຸປະກອນການຖ່າຍທອດສົດຊຸບເປີ HD ສຳລັບງານກິລາໂອລິມປິກປາຣີຂອງວິທະຍຸໂທລະພາບສູນກາງຈີນ ຫຼື CMG ໄດ້ປາກົດຕົວຢູ່ນະຄອນຫຼວງປາຣີປະເທດຝຣັ່ງ ແລະ ເດີນທາງໄປສູ່ສູນກະຈາຍສຽງສາກົນຂອງງານກິລາໂອລິມປິກປາຣີ ຫຼື IBC.
ໃນຖານະເປັນອົງການຖ່າຍທອດສົດຕົ້ນຕໍຂອງງານກິລາໂອລິມປິກປາຣີ, CMG ໄດ້ສົ່ງທີມງານຫຼາຍກວ່າ 2000 ຄົນ, ຍອດເວລາການຖ່າຍທອດສົດຈະຫຼາຍກວ່າ 400 ຊົ່ວໂມງ ແລະ ສົ່ງສັນຍານການແຂ່ງຂັນທີ່ມີຄຸນນະພາບສູງຫຼາຍກວ່າ 11.000 ຊົ່ວໂມງຜ່ານທາງຊ່ອງໂທລະພາບ, ຄື້ນວິທະຍຸ ແລະ APP.
