ກຸ່ມແມ່ເຖົ້າຜູ້ໃຈບຸນ

ເມື່ອຮັບເດັກນ້ອຍແລ້ວ, ແມ່ເຖົ້າທັງຫຼາຍຈະພາພວກເດັກນ້ອຍໄປພັກຢູ່ຫ້ອງພັກຜ່ອນສຳລັບແມ່ ແລະ ເດັກຢູ່ໃນເຂດຊຸມຊົນ. ຢູ່ທີ່ນີ້, ເດັກນ້ອຍທີ່ອາຍຸສ່ຳກັນ ກໍຈະຮຽນຮ່ວມກັນ ແລະ ຫຼິ້ນນຳກັນ, ແມ່ເຖົ້າທັງຫຼາຍກໍຈະຕິດຕາມໃຫ້ເຂົາເຈົ້າເຮັດວຽກບ້ານ, ເມື່ອເຮັດສຳເລັດແລ້ວ ຍັງຈະເລົ່ານິທານໃຫ້ພວກເດັກນ້ອຍຟັງ ຫຼື ສອນວິຊາການຕັດເຈ້ຍໃຫ້ ເປັນຕົ້ນ.

ນອກຈາກນີ້ແລ້ວ, ຢູ່ຕາມຖະໜົນຫົນທາງຂອງຕາແສງຊີ່ວໄອ້ ເມືອງຢີນໂຈ່ວຍັງຈະເຫັນແມ່ເຖົ້າອາສາສະໝັກກຸ່ມໜຶ່ງທີ່ນຸ່ງເສື້ອກັກສີຂຽວ, ມືຖືໄມ້ເພື່ອເກັບເອົາກິດກອກຢາ ແລະ ຂີ້ເຫຍື້ອອື່ນໆ, ເມື່ອເຫັນມີຄົນສູບຢາຢູ່ສະຖານທີ່ສາທາລະນະ ກໍຈະໄປວ່າກ່າວແນະນໍາ.

ໃນໄລຍະເລີ່ມຕົ້ນປະຕິບັດການເກັບກິດກອກຢາສູບຕາມຖະໜົນ, ຜູ້ສູບຢາສ່ວນຫຼາຍບໍ່ຍິນຍອມ. ບໍ່ວ່າຜູ້ສູບຢາຈະວ່າຮ້າຍແນວໃດ, ແມ່ເຖົ້າເຫຼົ່ານີ້ກໍຈະຍິ້ມໃສ່, ຖ້າຊັກຊວນບໍ່ໄດ້ຜົນ, ພວກເພິ່ນກໍບໍ່ຖົກຖຽງ ແລະ ເກັບເອົາກິດກອກຢາເລີຍ. ເມື່ອເຫັນຜູ້ເຖົ້າກົ້ມຕົວລົງໄປເກັບ, ຜູ້ສູບຢາກໍຍອມໃຫ້ການຮ່ວມມືແລ້ວ.

ພາຍໃຕ້ຜົນສະທ້ອນຂອງແມ່ເຖົ້າເຫຼົ່ານີ້, ອາສາສະໝັກໃຈບຸນກໍນັບມື້ນັບໄດ້ເຂົ້າຮ່ວມກິດຈະການນີ້ຫຼາຍ, ອົງການປົກຄອງທ້ອງຖິ່ນຈຶ່ງໄດ້ຈັດຕັ້ງກອງບໍລິການອາສາສະໝັກໂດຍສະເພາະ. ປັດຈຸບັນ ກອງບໍລິການນີ້ມີສະມາຊິກເກືອບ 300 ຄົນ ເຊິ່ງມີອາຍຸສະເລ່ຍ 54 ປີ.

ປັດຈຸບັນ, ກອງບໍລິການອາສາສະໝັກໄດ້ບໍລິການໃນ 32 ເຂດຂອງທົ່ວຕາແສງ, ນັບລວມແລ້ວໄດ້ເກັບກິດກອກຢາໄດ້ 1 ແສນກວ່າກອກ. ພຶດຕິກໍາທີ່ບໍ່ມີຄວາມສີວິໄລກໍຄ່ອຍໆຫຼຸດລົງ ເຊັ່ນ: ການສູບຢາໃນສະຖານທີ່ສາທາລະນະນັ້ນ ກໍຫຼຸດໜ້ອຍຖອຍລົງ, ເສື້ອກັກສີຂຽວກໍໄດ້ກາຍເປັນກາໝາຍປະຈັກຕາ ຢູ່ຕາມຖະໜົນຫົນທາງ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ