ກິລາ ແລະ ການທ່ອງທ່ຽວເຊື່ອມໂຍງເຂົ້າກັນ, ກາຍເປັນຮູບການພັກຜ່ອນຢ່ອນອາລົມແບບໃໝ່

ນະຄອນນານຈ່າງ ແຂວງຈ່ຽງຊີ່ຈີນ ກໍໄດ້ຈັດການແຂ່ງຂັນແລ່ນມາລາທອນເຊັ່ນກັນ, ມີນັກກິລາ 1 ໝື່ນກວ່າຄົນເຂົ້າຮ່ວມ, ເຈົ້າພາບຈັດງານໄດ້ວາງແຜນເສັ້ນທາງການແລ່ນໂດຍສະເພາະ ໂດຍໄດ້ແລ່ນຜ່ານສະຖານທີ່ທີ່ເປັນສັນຍະລັກຂອງຕົວເມືອງ ເຊັ່ນ: ສູນວັດທະນະທຳຊ່າງນານ, ສວນສາທາລະນະວ້າຍຖ່ານເປັນຕົ້ນ ເຊິ່ງໄດ້ເຮັດໃຫ້ນັກກິລາທັງຫຼາຍສາມາດສຳຜັດກັບຮີດຄອງປະເພນີ ທີ່ມີເອກະລັກພິເສດຂອງທ້ອງຖິ່ນ.

ນອກຈາກນີ້ແລ້ວ, ຫຼາຍຕົວເມືອງກໍໄດ້ຈັດຕັ້ງປະຕິບັດໂຄງການວັດທະນະທຳ ແລະ ທ່ອງທ່ຽວເຊື່ອມໂຍງເຂົ້າກັນ ຄື: ການທ່ອງທ່ຽວຕາມການແຂ່ງຂັນກິລາ, ຕັ້ງໜ້າຈັດການແຂ່ງຂັນກາງແຈ້ງ ຄື: ແລ່ນມາລາທອນ ແລະ ກິລາເທິງໜ້ານ້ຳເປັນຕົ້ນ ທັງໄດ້ໃຫ້ບໍລິການດ້ານກິລາ+ການທ່ອງທ່ຽວໂດຍສະເພາະ ລວມທັງການຄົມມະນາຄົມ, ການເດີນທາງ, ໂຮງແຮມເຮືອນພັກ, ອາຫານການກິນ ແລະອື່ນໆ.