ເຮືອບິນບໍ່ມີຄົນຂັບໄດ້ເສີມຂະຫຍາຍບົດບາດຫຼາຍ ໃນການສຳຫຼວດແຜ່ນດິນຂົ້ວໂລກໃຕ້ຂອງຈີນ

cri2024-05-09 16:18:05

ຂົ້ວໂລກໃຕ້ ແມ່ນປົກຄຸມດ້ວຍນ້ຳກ້ອນທີ່ບໍ່ມີວັນລະລາຍ, ອາກາດໜາວຈັດ, ມີລົມແຮງ ແລະ ຫິມະໜັກເລື້ອຍໆ. ສະນັ້ນ, ເງື່ອນໄຂການສຳຫຼວດດ້ານວິທະຍາສາດຢູ່ຂົ້ວໂລກໃຕ້ແມ່ນຮ້າຍແຮງຫຼາຍ, ພາລະໜ້າທີ່ກໍເຕັມໄປດ້ວຍຄວາມຫຍຸ້ງຍາກລຳບາກທີ່ສຸດ.

ຄຽງຄູ່ກັບເຕັກນິກເຮືອບິນບໍ່ມີຄົນຂັບຂອງຈີນ ໄດ້ພັດທະນາຢ່າງວ່ອງໄວ, ເຮືອບິນບໍ່ມີຄົນຂັບໄດ້ເສີມຂະຫຍາຍບົດບາດຢ່າງຫຼວງຫຼາຍ ໃນການສຳຫຼວດຂົ້ວໂລກໃຕ້ຂອງຈີນ. ໃນການສຳຫຼວດຂົ້ວໂລກໃຕ້ຄັ້ງທີ 40 ຂອງຈີນທີ່ຫາກໍສິ້ນສຸດລົງ, ສະມາຊິກຫຼາຍຄົນໃນທີມສຳຫຼວດໄດ້ນຳໃຊ້ເຮືອບິນບໍ່ມີຄົນຂັບ ແລະ ເຄື່ອງເຊັນເຊີຫຼາຍປະເພດ ເພື່ອດຳເນີນການສຳຫຼວດວັດແທກເປັນຫຼາຍຄັ້ງ. ຮູບພາບທີ່ມີຄວາມຄົມຊັດສູງໄດ້ສະແດງໃຫ້ເຫັນເຖິງສະພາບພູມສັນຖານ ແລະ ພື້ນດິນຂອງຂົ້ວໂລກໃຕ້ ໂດຍໄດ້ສະໜອງຂໍ້ມູນອັນສຳຄັນໃຫ້ແກ່ທີມສຳຫຼວດໃນການຕັດສິນໃຈ ແລະ ດຳເນີນງານຢູ່ພາກສະໜາມ.

ໃນການສຳຫຼວດ, ເພື່ອຫຼີກລ່ຽງຄວາມສ່ຽງຈາກຊ່ອງຫວ່າງຂອງນ້ຳກ້ອນ, ທີມສຳຫຼວດຍັງໄດ້ນຳໃຊ້ເຮືອບິນບໍ່ມີຄົນຂັບ ມາສັງເກດເສັ້ນທາງຢູ່ເທິງນ້ຳກ້ອນ ແລະ ຊ່ອງຫວ່າງຂອງນ້ຳກ້ອນ ເພື່ອວິນິດໄສເຂດອັນຕະລາຍ ພ້ອມທັງຍົກສູງປະສິດທິພາບ ແລະ ຄວາມປອດໄພໃນການສັນຈອນ.

ປັດຈຸບັນນີ້, ເຮືອບິນບໍ່ມີຄົນຂັບໄດ້ກາຍເປັນອຸປະກອນຈຳເປັນໃນການສຳຫຼວດຂົ້ວໂລກໃຕ້ຂອງຈີນ ໂດຍມີຄວາມສຳຄັນນັບມື້ນັບຫຼາຍຂຶ້ນໃນຫຼາຍໂຄງການ ເຊັ່ນ: ການວັດແທກທາງອາກາດ, ການຕິດຕາມສິ່ງແວດລ້ອມທາງໄກ, ການຕິດຕາມວັດແທກນ້ຳກ້ອນ ແລະ ອື່ນໆ.

.md_Laos_page01 .md_hd{width:300px;}

ຄໍລຳ