ຄວາມສວຍງາມກາຍເປັນລາຍຮັບ ດອກໂບຕັນໄດ້ເພີ່ມພະລັງແຮງເຂົ້າໃນການພັດທະນາເສດຖະກິດ
ໄລຍະນີ້, ປະເທດຈີນເຂົ້າສູ່ໄລຍະດອກໄມ້ບານ. ສວນໂບຕັນທີ່ມີເນື້ອທີ່ຫຼາຍໝື່ນເຮັກຕາຢູ່ນະຄອນເຮີເຈີ, ແຂວງຊ່ານຕົ່ງຂອງຈີນ ໄດ້ເຂົ້າສູ່ໄລຍະອອກດອກຫຼາຍທີ່ສຸດ, ການຄ້າດອກໂບຕັນຢູ່ແຫ່ງນັ້ນກໍມີບັນຍາກາດຟົດຟື້ນ.
ຢູ່ນະຄອນເຮີເຈີ, ດອກໂບຕັນ ຈາກການໃຊ້ເປັນຢາປົວພະຍາດ ແລະ ທ່ຽວຊົມເປັນຫຼັກໃນເມື່ອກ່ອນ, ແຕ່ປັດຈຸບັນ ໄດ້ພັດທະນາກາຍເປັນຕ່ອງໂສ້ອຸດສາຫະກຳທີ່ຂ້ອນຂ້າງຄົບຖ້ວນ, ການປຸງແຕ່ງດອກໂບຕັນເປັນອາຫານ ກໍໄດ້ຮັບຄວາມນິຍົມຊົມຊອບຫຼາຍ. ນອກຈາກນີ້ແລ້ວ, ມັນຍັງໄດ້ຊຸກຍູ້ອີກຂະແໜງການໜຶ່ງຂອງທ້ອງຖິ່ນ ຄື: ການແຕ້ມຮູບໂບຕັນ.