ຂະແໜງການໂຄມໄຟຊຸກຍູ້ການພັດທະນາຂອງເຂດພູດອຍ

ບຸນກຸດຈີນປີນີ້ຄືປີມັງກອນ ໃກ້ຈະໝູນວຽນມາເຖິງ, ແຫ່ງຕ່າງໆທົ່ວປະເທດຈີນໄດ້ຈັດງານວາງສະແດງໂຄມໄຟທີ່ເປັນຮູບມັງກອນຂະໜາດໃຫຍ່ ໄດ້ດຶງດູດນັກທ່ອງທ່ຽວມາທ່ຽວຊົມຢ່າງຫຼວງຫຼາຍ. ໂຮງງານຜະລິດໂຄມໄຟໃນເມືອງລົງເຕີຂອງເຂດປົກຄອງຕົນເອງເຜົ່າຮຸຍ ນີງເຊ້ຍຈີນພວມຂຸ້ນຂ້ຽວການຜະລິດ.

ເມືອງລົງເຕີຕັ້ງຢູ່ເຂດຊີ່ໄຫກູ້ຂອງເຂດປົກຄອງຕົນເອງເຜົ່າຮຸຍ ນີງເຊ້ຍ ເຊິ່ງເປັນເຂດທຸກຍາກທີ່ສຸດຂອງປະເທດຈີນໃນເມື່ອກ່ອນ. ແຕ່ເຂດນີ້ກໍເປັນເມືອງເກົ່າແກ່ທີ່ມີປະຫວັດສາດນັບພັນປີ, ມີບັນຍາກາດວັດທະນະທຳພື້ນເມືອງທີ່ເຂັ້ມຂຸ້ນ, ເຕັກນິກການຜະລິດໂຄມໄຟພື້ນເມືອງກໍມີປະຫວັດສາດຍາວນານ.

ຫວ່າງມໍ່ໆມານີ້, ບໍລິສັດເຕັກນິກໂຄມໄຟເຈີ້ງກ່ວນໃນເມືອງລົງເຕີໄດ້ຂຸ້ນຂ້ຽວຜະລິດໃຫ້ໄດ້ໄວທີ່ສຸດ. ໃນໂຮງງານຕິດກາວ, ຈະສາມາດເຫັນຮູບຮ່າງມັງກອງອັນໃຫຍ່ໂຕທີ່ເຮັດດ້ວຍໂຄງເຫຼັກ, ຊາວກະສິກອນທີ່ມາຈາກບ້ານອ້ອມຂ້າງໄດ້ຢືນຢູ່ເທິງຮາວເຫຼັກ, ເອົາຜ້າສີທີ່ມີລວດລາຍຂອງເກັດມັງກອນຕິດໃສ່ໂຄງມັງກອນ.