ງານວາງສະແດງເຕັກນິກ ແລະ ອຸປະກອນການຄົມມະນາຄົມສາກົນຄັ້ງທີ 15 ສະແດງໃຫ້ເຫັນເຖິງທິດທາງການພັດທະນາດ້ານການຄົມມະນາຄົມໃນອະນາຄົດ
ງານວາງສະແດງເຕັກນິກ ແລະ ອຸປະກອນການຄົມມະນາຄົມສາກົນຄັ້ງທີ 15 ໄດ້ຈັດຂຶ້ນຢູ່ສູນປະຊຸມແຫ່ງຊາດທີ່ນະຄອນຫຼວງປັກກິ່ງລະຫວ່າງວັນທີ 2ກັນຍານີ້, ໄດ້ວາງສະແດງອຸປະກອນທີ່ມີເຕັກນິກທັນສະໄໝທີ່ສຸດ ແລະ ໝາກຜົນທີ່ມີຫົວຄິດປະດິດສ້າງຫຼ້າສຸດຂອງຂົງເຂດຄົມມະນາຄົມ, ຊຸກຍູ້ການແລກປ່ຽນ ແລະ ການຮ່ວມມືດ້ານເຕັກນິກຄົມມະນາຄົມທົ່ວໂລກ.
ງານວາງສະແດງຄັ້ງນີ້ໄດ້ຈັດຫ້ອງວາງສະແດງຕ່າງໆ ເຊັ່ນ: ການກໍ່ສ້າງພື້ນຖານໂຄງລ່າງຄົມມະນາຄົມສັງລວມ, ການຜະລິດທີ່ມີເຕັກນິກສູງດ້ານການຄົມມະນາຄົມຂົນສົ່ງ, ລະບົບຕ່ອງໂສ້ການສະໜອງດ້ານການຈໍລະຈອນສິນຄ້າສາກົນ, ການຄົມມະນາຄົມແບບປ່ອຍກາກບອນຕ່ຳ, ການຄົມມະນາຄົມໃນອະນາຄົດ ແລະ ອື່ນໆ.
