ໂຄສົກກະຊວງການຕ່າງປະເທດຈີນຕອບຄຳຖາມນັກຂ່າວກ່ຽວກັບຖ້ອຍຄຳຂອງອາເມຣິກາ ກ່ຽວກັບການຕ້ານຢາເສບຕິດ

ວັນທີ 26 ພະຈິກນີ້, ໂຄສົກກະຊວງການຕ່າງປະເທດຈີນໄດ້ຕອບຄຳຖາມນັກຂ່າວກ່ຽວກັບຖ້ອຍຄຳຂອງອາເມຣິກາທີ່ກ່ຽວຂ້ອງກັບການຕ້ານຢາເສບຕິດ.

ນັກຂ່າວຖາມວ່າ: ທ່ານໂດນັນ ທຣຳ ທີ່ໄດ້ຮັບເລືອກຕັ້ງເປັນປະທານາທິບໍດີອາເມຣິກາຄົນໃໝ່ໄດ້ກ່າວຢູ່ທາງສື່ສັງຄົມອອນລາຍວ່າ, ໄດ້ເຈລະຈາກັບຝ່າຍຈີນກ່ຽວກັບບັນຫາຢາເສບຕິດປະເທດຕ່າງໆ ລວມທັງ ເຟັນທານີນ, ແຕ່ບໍ່ມີຄວາມຄືບໜ້າຫຍັງເລີຍ. ຍ້ອນວ່າຢາເສບຕິດຈຳນວນຫຼວງຫຼາຍຍັງຫຼັ່ງໄຫຼເຂົ້າສູ່ອາເມຣິກາ, ອາເມຣິກາຈະຂຶ້ນພາສີ 10% ຕໍ່ສິນຄ້າທັງໝົດທີ່ນຳເຂົ້າຈາກຈີນ. ຝ່າຍຈີນຕີລາຄາແນວໃດຕໍ່ເລື່ອງນີ້?

ໂຄສົກທ່ານນີ້ກ່າວວ່າ, ຈີນເປັນໜຶ່ງໃນປະເທດທີ່ມີນະໂຍບາຍສະກັດກັ້ນ ແລະ ປາບປາມຢາເສບຕິດທີ່ເຂັ້ມງວດທີ່ສຸດ ແລະ ປະຕິບັດນະໂຍບາຍຢ່າງເດັດຂາດທີ່ສຸດໃນໂລກ. ເຟັນທານີນເປັນບັນຫາຂອງອາເມຣິກາ, ໂດຍອີງຕາມນ້ຳໃຈມະນຸດສະທຳ, ຈີນໄດ້ສະໜອງການສະໜັບສະໜູນໃຫ້ອາເມຣິກາເພື່ອແກ້ໄຂບັນຫາຢາເສບຕິດປະເພດເຟັນທານີນ. ປີ 2019, ຈີນໄດ້ປະກາດຄວບຄຸມສານເຟັນທານີນຢ່າງເປັນທາງການ, ເຊິ່ງເປັນປະເທດທຳອິດທີ່ຄວບຄຸມສານເຟັນທານີນຢ່າງເປັນທາງການໃນໂລກ. ຈີນ ແລະ ອາເມຣິກາໄດ້ດຳເນີນການຮ່ວມມືຕ້ານຢາເສບຕິດຢ່າງກວ້າງຂວາງ ແລະ ເລິກເຊິ່ງ ທັງໄດ້ຮັບປະສິດທິຜົນຢ່າງພົ້ນເດັ່ນ, ເຊິ່ງເປັນສິ່ງທີ່ຊາວໂລກຮັບຮູ້ທົ່ວໄປ.

ໂຄສົກທ່ານນີ້ກ່າວຕື່ມວ່າ, ອາເມຣິກາຄວນທະນຸຖະໜອມຄວາມເຈຕະນາດີຂອງຝ່າຍຈີນ, ຮັກສາສະພາບການອັນດີທີ່ບໍ່ສາມາດຫາໄດ້ງ່າຍໆຂອງການຮ່ວມມືດ້ານການຕ້ານຢາເສບຕິດລະຫວ່າງຈີນກັບອາເມຣິກາ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ປ່ຽນໜ່ວຍພູທີ່ເຄີຍເປັນບ່ອນຂຸດຄົ້ນແຮ່ໃຫ້ກາຍເປັນຈຸດເຊັກອິນທາງການທ່ອງທ່ຽວແຫ່ງໃໝ່

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ