ຈີນແລະ 8 ປະເທດຢູ່ໝູ່ເກາະປາຊິຟິກຈັດການເຝິກຊ້ອມຊ່ວຍເຫຼືອກູ້ໄພເຫດສຸກເສີນ

ວັນທີ 24 ພະຈິກນີ້, ການເຝິກຊ້ອມຊ່ວຍເຫຼືອກູ້ໄພເຫດສຸກເສີນລະຫວ່າງຈີນ-ປະເທດຢູ່ໝູ່ເກາະປາຊິຟິກ 2024 ທີ່ຈັດໂດຍກະຊວງຈັດການເຫດສຸກເສີນແລະອົງການປົກຄອງປະຊາຊົນແຂວງກວາງຕຸ້ງຈີນ ໄດ້ຈັດຂຶ້ນຢູ່ນະຄອນຈ່ຽງເມີນແຂວງ ກວາງຕຸ້ງ.

ການເຝິກຊ້ອມເທື່ອນີ້ໄດ້ຈຳລອງສະພາບແຜ່ນດິນໄຫວລະດັບ 7.0 ລິກເຕີ ຢູ່ບາງປະເທດໃດໜຶ່ງໃນໝູ່ເກາະປາຊິຟິກ ເຊິ່ງເຮັດໃຫ້ຕຶກທີ່ຢູ່ອາໄສທີສູງໆ, ໂຮງຮຽນ ແລະອາຄານຫຼາຍພັນຫຼັງ ເພພັງຢ່າງໜັກໜ່ວງ, ມີປະມານ 2 ໝື່ນຄົນເສຍຊີວິດ. ຜູ້ຊ່ວຍກູ້ໄພເຫດສຸກເສີນ 300 ກວ່າຄົນທີ່ມາຈາກຈີນ, ຟີຈີ, ທັງກາ, ເນົາລູ ແລະ ປະເທດອື່ນໆທີ່ຢູ່ໝູ່ເກາະປາຊິຟິກເຂົ້າຮ່ວມການເຝິກຊ້ອມເທື່ອນີ້ ໃນຫົວຂໍ້ການຕັ້ງສິ່ງຄ້ຳຊູຕໍ່ອາຄານເພພັງ, ການຊ່ວຍເຫຼືອດ້ວຍຍົນເຮຣີກົບແຕ ແລະອື່ນໆ ລວມ 12 ລາຍການ.

ການເຝິກຊ້ອມເທື່ອນີ້ໄດ້ຍົກສູງຄວາມສາມາດດ້ານການປ້ອງກັນແລະບັນເທົາສາທາລະນະໄພຂອງຈີນ ແລະບັນດາປະເທດຢູ່ໝູ່ເກາະປາຊິຟິກຢ່າງມີປະສິດທິຜົນ, ລິເລີ່ມປະຫວັດສາດໜ້າໃໝ່ຂອງວຽກງານຈັດການເຫດສຸກເສີນ ແລະການຮ່ວມມືລະຫວ່າງຈີນ-ປະເທດຢູ່ໝູ່ເກາະປາຊິຟິກ.

.md_Laos_page01 .md_hd{width:300px;}

ຄໍລຳ

ຮູບພາບ