ຜູ້ຕອບແບບສອບຖາມຂອງCGTNເຫັນວ່າ ຈີນເປັນກຳລັງແກ່ນສານໃນການຊຸກຍູ້ປະເທດເຂດໂລກໃຕ້ພັດທະນາ ແລະ ມີຄວາມຈະເລີນຮຸ່ງເຮືອງຮ່ວມກັນ

ຫວ່າງມໍ່ໆມານີ້, ໂທລະພາບສາກົນຈີນຫຼື CGTN ຂອງວິທະຍຸໂທລະພາບສູນກາງຈີນຫຼື CMG ໄດ້ເຜີຍແຜ່ແບບສອບຖາມໃຫ້ຊາວເນັດທົ່ວໂລກເພື່ອສຳຫຼວດເກັບກຳຂໍ້ມູນກ່ຽວກັບກອງປະຊຸມສຸດຍອດກຸ່ມG20 ເຊິ່ງຜົນການສຳຫຼວດສະແດງໃຫ້ເຫັນວ່າ: ຜູ້ຕອບແບບສອບຖາມໄດ້ຕີລາຄາສູງຕໍ່ຈີນທີ່ປະກອບສ່ວນອັນຕັ້ງໜ້າເຂົ້າໃນການຊຸກຍູ້ການເຕີບໂຕດ້ານເສດຖະກິດໂລກ, ປັບປຸງການບໍລິຫານເສດຖະກິດໂລກໃຫ້ສົມບູນຂຶ້ນ.

ຜົນການສຳຫຼວດສະແດງໃຫ້ເຫັນວ່າ: ມີຜູ້ຕອບແບບສອບຖາມ 80,9% ເຫັນວ່າ ກຸ່ມ G20 ເປັນເວທີສຳລັບບັນດາຝ່າຍເພີ່ມທະວີການຮ່ວມມືຫຼາຍຝ່າຍ ແລະຮ່ວມກັນແບ່ງປັນໂອກາດການພັດທະນາ, ບັນດາຝ່າຍຄວນຮ່ວມມືກັນຮັບມືກັບຄວາມບໍ່ແນ່ນອນແລະສິ່ງທ້າທາຍໃນປະຊາຄົມໂລກ; ນອກນີ້, ມີຜູ້ຕອບແບບສອບຖາມ 73,4% ຄອງຄອຍສະມາຊິກກຸ່ມ G20ຕັ້ງໜ້າຊຸກຍູ້ການຮ່ວມມືສາກົນໃນການແກ້ໄຂບັນຫາດ້ານດິນຟ້າອາກາດ ເຊິ່ງເປັນບັນຫາທີ່ປະເທດເຂດໂລກໃຕ້ມີຄວາມສົນໃຈຮ່ວມກັນໂດຍທົ່ວໄປ ເພື່ອຊຸກຍູ້ເສດຖະກິດໂລກຫັນປ່ຽນຕາມທິດສີຂຽວ.

ຜົນການສຳຫຼວດຍັງສະແດງໃຫ້ເຫັນວ່າ: ມີຜູ້ຕອບແບບສອບຖາມກວມເຖິງ 92,8% ເຫັນວ່າ ຈີນໄດ້ປະກອບສ່ວນຢ່າງໃຫຍ່ຫຼວງເຂົ້າໃນການຍົກສູງລັກສະນະຕົວແທນແລະສິດປະກອບຄຳເຫັນຂອງປະເທດເຂດໂລກໃຕ້ຢູ່ໃນການບໍລິຫານໂລກ. ນອກນີ້, ມີຜູ້ຕອບແບບສອບຖາມ 91,4%ເຫັນວ່າ: ຈີນເປັນກຳລັງແກ່ນສານໃນການຊຸກຍູ້ປະເທດເຂດໂລກໃຕ້ພັດທະນາ ແລະມີຄວາມຈະເລີນຮຸ່ງເຮືອງຮ່ວມກັນ

ແບບສອບຖາມສຳຫຼວດຄວາມເຫັນຄັ້ງນີ້ໄດ້ເຜີຍແຜ່ຢູ່ເທິງເວທີ 5 ພາສາຂອງ CGTN ຄືພາສາອັງກິດ, ແອັສປາຍ, ຝຣັ່ງ, ອາຣັບ ແລະ ຣັດເຊຍ, ພາຍໃນເວລາ 24 ຊົ່ວໂມງມີຊາວເນັດຫຼາຍກວ່າ 7.469 ຄົນຕອບແບບສອບຖາມ ແລະ ສະແດງຄວາມເຫັນພ້ອມ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15

10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ

ວິສາຫະກິດຕ່າງປະເທດທີ່ເຂົ້າຮ່ວມCIIE ເປັນສັກຂີພິຍານ ແລະ ຜູ້ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງຈີນ

ການສຳພາດປະທານາທິບໍດີແຟງລັງ

ຜູ້ບໍລິໂພກຂອງຈີນສາມາດສັ່ງຊື້ຜະລິດຕະພັນຂອງລາວໄດ້ຢ່າງສະດວກກວ່າເກົ່າແລ້ວ!

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ

Copyright © cri.cn All Rights Reserved