ທ່ານສີຈິ້ນຜິງ ສົ່ງສາຍຊົມເຊີຍເຖິງກອງປະຊຸມໃຫຍ່ພາສາຈີນໂລກ 2024

ວັນທີ 15 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງກອງປະຊຸມໃຫຍ່ພາສາຈີນໂລກ 2024 ແລະອວຍພອຍສະຖາບັນຂົງຈື້ສ້າງຕັ້ງຂຶ້ນຄົບຮອບ 20 ປີ.

ເນື້ອໃນສານຊົມເຊີຍຂອງທ່ານສີຈິນຜິງ ເນັ້ນໜັກວ່າ, ການສຶກສາພາສາຈີນສາກົນໄດ້ຮັບຄວາມນິຍົມຊົມຊອບຢ່າງກວ້າງຂວາງ ເຊິ່ງສະແດງໃຫ້ເຫັນເຖິງມົນສະເໜ່ດ້ານການເປີດກວ້າງແລະກວມລວມ, ສະແດງໃຫ້ເຫັນເຖິງຄຸນຄ່າດ້ານການແລກປ່ຽນ ແລະ ຖອດຖອນບົດຮຽນເຊິ່ງກັນແລະກັນ, ທັງໄດ້ສ່ອງແສງໃຫ້ເຫັນເຖິງຈິດໃຈການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ. ຫວັງວ່າກອງປະຊຸມໃຫຍ່ພາສາຈີນໂລກຈົ່ງເພີ່ມທະວີການເຊື່ອມໂຍງເຊື່ອມຈອດກັນ, ເຕົ້າໂຮມຄວາມຮັບຮູ້ທີ່ເປັນເອກະພາບກັນຂອງຝ່າຍຕ່າງໆ, ພະຍາຍາມສ້າງຂົວຕໍ່ແຫ່ງການສື່ສານທາງດ້ານພາສາ, ຂົວຕໍ່ແຫ່ງຄວາມເຂົ້າໃຈກັນ ແລະໄວ້ເນື້ອເຊື່ອໃຈກັນ, ຂົວຕໍ່ແຫ່ງການແລກປ່ຽນຖອດຖອນບົດຮຽນກັນທາງດ້ານອະລິຍະທຳ ເພື່ອປະກອບສ່ວນອັນໃໝ່ໃຫຍ່ຫຼວງກວ່າເກົ່າເຂົ້າໃນການຮ່ວມກັນສ້າງປະຊາຄົມຮ່ວມຊາຕາກຳຂອງມວນມະນຸດ.

ກອງປະຊຸມໃຫຍ່ພາສາຈີນໂລກ 2024 ແມ່ນກະຊວງສຶກສາທິການຈີນເປັນເຈົ້າພາບຈັດຂຶ້ນ ຢູ່ນະຄອນຫຼວງປັກກິ່ງ ສປ ຈີນໃນວັນທີ 15 ພະຈິກນີ້ ໂດຍມີຫົວຂໍ້ວ່າ “ເຊື່ອມໂຍງເຊື່ອມຈອດກັນ, ການສືບທອດ ແລະ ປະດິດສ້າງໃໝ່”, ເຈົ້າໜ້າທີ່ລັດຖະບານ, ອະທິການບໍດີ, ຜູ້ຊ່ຽວຊານ, ນັກວິຊາການ, ຜູ້ຕາງໜ້າຄູອາຈານ ແລະນັກສຶກສາ, ທູຕານຸທູດຕ່າງປະເທດປະຈຳຈີນຫຼາຍກວ່າ 2.000 ຄົນທີ່ມາຈາກ 160 ກວ່າປະເທດ ແລະເຂດແຄວ້ານໄດ້ເຂົ້າຮ່ວມກອງປະຊຸມ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15