ທ່ານສີຈິ້ນຜິງພົບປະກັບນາຍົກລັດຖະມົນຕີຍີ່ປຸ່ນ

ຕອນບ່າຍວັນທີ 15 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານອີຊີບະ ຊີເກຣຸ ນາຍົກລັດຖະມົນຕີຍີ່ປຸ່ນ ໃນໄລຍະທີ່ເຂົ້າຮ່ວມກອງປະຊຸມຜູ້ນຳການຮ່ວມມືດ້ານເສດຖະກິດອາເປັກຄັ້ງທີ 31 ທີ່ຈັດຂຶ້ນຢູ່ນະຄອນຫຼວງລີມາ ປະເທດເປຣູ.

ທ່ານສີຈິ້ນຜິງຊີ້ອອກວ່າ: ປັດຈຸບັນ, ສະຖານະການໃນສາກົນ ແລະ ພາກພື້ນມີຄວາມປັ່ນປ່ວນວຸ້ນວາຍ, ການພົວພັນລະຫວ່າງຈີນ ແລະ ຍີ່ປຸ່ນແມ່ນຢູ່ໃນໄລຍະສຳຄັນຂອງການປັບປຸງ ແລະ ພັດທະນາ. ຈີນ ແລະ ຍີ່ປຸ່ນເປັນປະເທດໃກ້ຄຽງ, ຕ່າງກໍເປັນປະເທດທີ່ສຳຄັນໃນອາຊີ ແລະ ໃນໂລກ, ການພົວພັນລະຫວ່າງສອງປະເທດມີຄວາມໝາຍສຳຄັນທີ່ກ້າວໄກກວ່າລະຫວ່າງສອງຝ່າຍ. ຈີນຍິນດີຮ່ວມກັບຍີ່ປຸ່ນປະຕິບັດຕາມຫຼັກການ ແລະ ທິດທາງທີ່ລະບຸໄວ້ໃນເອກະສານການເມືອງສີ່ສະບັບລະຫວ່າງສອງປະເທດ, ຍຶດໝັ້ນໃນຄວາມຮັບຮູ້ທີ່ເປັນເອກະພາບກັນສຳຄັນ ທີ່ວ່າ “ເປັນຄູ່ຮ່ວມມືເຊິ່ງກັນແລະກັນ ແລະ ບໍ່ເປັນໄພຂົ່ມຂູ່ຕໍ່ກັນ”, ພະຍາຍາມຮ່ວມກັນເພື່ອຊຸກຍູ້ການພົວພັນທີ່ມີປະໂຫຍດແກ່ກັນທາງດ້ານຍຸດທະສາດລະຫວ່າງຈີນ-ຍີ່ປຸ່ນຢ່າງຮອບດ້ານ, ສຸມກຳລັງເຂົ້າໃນການສ້າງສາຍພົວພັນລະຫວ່າງຈີນ-ຍີ່ປຸ່ນທີ່ມີລັກສະນະສ້າງສັນ ແລະ ໝັ້ນທ່ຽງ ທີ່ສອດຄ່ອງກັບສະໄໝໃໝ່.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15