ທ່ານສີຈິ້ນຜິງພົບປະກັບນາຍົກລັດຖະມົນຕີໄທ

ຕອນເຊົ້າວັນທີ 15 ພະຈິກນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານນາງແພທອງທານ ຊິນນະວັດ ນາຍົກລັດຖະມົນຕີໄທ ໃນໄລຍະທີ່ເຂົ້າຮ່ວມກອງປະຊຸມຜູ້ນຳການຮ່ວມມືດ້ານເສດຖະກິດອາເປັກຄັ້ງທີ 31 ທີ່ຈັດຂຶ້ນຢູ່ນະຄອນຫຼວງລີມາ ປະເທດເປຣູ.

ທ່ານສີຈິ້ນຜິງກ່າວວ່າ: ຈີນ ແລະ ໄທເປັນປະເທດໃກ້ຄຽງທີ່ມິດຕະພາບ ແລະ ສະໜິດສະໜົມຕໍ່ກັນ, ການພົວພັນລະຫວ່າງສອງປະເທດທີ່ວ່າ “ຈີນ-ໄທບໍ່ແມ່ນໃຜອື່ນໄກ” ໄດ້ຜ່ານມາເປັນເວລາດົນນານ ແຕ່ກໍຍັງມີຊີວິດຊີວາມາໂດຍຕະຫຼອດ. ຈີນຍິນດີເພີ່ມທະວີການແລກປ່ຽນ ແລະ ປະສານງານກັບໄທໃນກົນໄກຫຼາຍຝ່າຍ ເຊັ່ນ: ກົນໄກແມ່ນ້ຳລ້ານຊ້າງ-ແມ່ນ້ຳຂອງ, ອາຊຽນ, ບຣິກສ, ອາເປັກ ແລະອື່ນໆ, ຮັກສາຄວາມສາມັກຄີ ແລະ ການຮ່ວມມືລະຫວ່າງອາຊຽນກັບປະເທດໃນພາກພື້ນ, ປະກອບສ່ວນອັນຕັ້ງໜ້າເຂົ້າໃນສັນຕິພາບ, ສະຖຽນລະພາບ, ການພັດທະນາ ແລະ ຄວາມຈະເລີນຮຸ່ງເຮືອງ.

ທ່ານນາງແພທອງທານ ຊິນນະວັດ ນາຍົກລັດຖະມົນຕີໄທກ່າວວ່າ: ປັດຈຸບັນ, ໃນໂລກກໍຄືໃນພາກພື້ນມີຄວາມປັ່ນປ່ວນວຸ້ນວາຍ. ບັນດາຂໍ້ລິເລີ່ມລະດັບໂລກທີ່ຈີນເປັນຜູ້ສະເໜີ ມີລັກສະນະຄາດການລ່ວງໜ້າທາງດ້ານຍຸດທະສາດ, ມີຜົນດີຕໍ່ການຊຸກຍູ້ການເພີ່ມຄວາມສາມັກຄີ ແລະ ການຮ່ວມມືໃນປະຊາຄົມໂລກ. ໄທຫວັງວ່າຈະໄດ້ຖອດຖອນບົດຮຽນດ້ານການພັດທະນາທີ່ໄດ້ຮັບຜົນສຳເລັດຂອງຈີນ, ຊຸກຍູ້ການຮ່ວມມືດ້ານການຮ່ວມກັນສ້າງ “ໜຶ່ງແລ້ວໜຶ່ງເສັ້ນທາງ” ເຊັ່ນ: ເສັ້ນທາງລົດໄຟໄທ-ຈີນເປັນຕົ້ນຢ່າງຕໍ່ເນື່ອງ, ຮັດແໜ້ນການແລກປ່ຽນກັນດ້ານວັດທະນະທຳ, ເສີມສ້າງໄມຕີຈິດມິດຕະພບອັນເປັນມູນເຊື້ອໃຫ້ລົງສູ່ລວງເລິກ. ຍິນດີເພີ່ມທະວີການປະສານງານກັບຈີນໃນຂອບຫຼາຍຝ່າຍ ເຊັ່ນ: ອົງການອາເປັກເປັນຕົ້ນ ແລະ ຮ່ວມກັນປົກປັກຮັກສາລະບົບການຄ້າເສລີ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15