ຈີນກ່າວຄຳເຫັນກ່ຽວກັບລັດຖະບານຈີນປະກາດເສັ້ນພື້ນຖານນ່ານທະເລຢູ່ເກາະຮວງຢຽນ

ວັນທີ 10 ພະຈິກນີ້, ໂຄສົກກະຊວງການຕ່າງປະເທດຈີນໄດ້ຕອບຄຳຖາມນັກຂ່າວກ່ຽວກັບລັດຖະບານຈີນປະກາດເສັ້ນພື້ນຖານຂອງນ່ານທະເລຢູ່ເກາະຮວງຢຽນ.

ມີນັກຂ່າວຖາມວ່າ: ລັດຖະບານຈີນໄດ້ອອກຖະແຫຼງການໃນວັນທີ 10 ພະຈິກນີ້, ໂດຍໄດ້ປະກາດເສັ້ນພື້ນຖານຂອງນ່ານທະເລຢູ່ເກາະຮວງຢຽນ. ການເຄື່ອນໄຫວນີ້ແມ່ນມາດຕະການຕໍ່ຕ້ານທີ່ແນໃສ່ຟີລິບປິນເຜີຍແຜ່ກົດໝາຍວ່າດ້ວຍພື້ນທີ່ທາງທະເລ ຫຼືບໍ່?

ທ່ານໂຄສົກກ່າວວ່າ: ເກາະຮວງຢຽນແມ່ນຜືນແຜ່ນດິນຂອງຈີນມາຕັ້ງແຕ່ບູຮານ. ໂດຍອີງຕາມກົດໝາຍສາກົນ ຄື: ສົນທິສັນຍາວ່າດ້ວຍກົດໝາຍທະເລຂອງອົງການສະຫະປະຊາຊາດເປັນຕົ້ນ ແລະ ກົດໝາຍວ່າດ້ວຍນ່ານທະເລ ແລະ ເຂດໃກ້ກັບນ່ານທະເລຂອງສາທາລະນະລັດປະຊາຊົນຈີນ, ລັດຖະບານຈີນໄດ້ກຳນົດ ແລະ ປະກາດເສັ້ນພື້ນຖານຂອງນ່ານທະເລຢູ່ເກາະຮວງຢຽນ ນີ້ເປັນມາດຕະການປົກກະຕິຂອງລັດຖະບານຈີນເພື່ອເພີ່ມທະວີການຄຸ້ມຄອງທະເລຕາມກົດໝາຍ, ສອດຄ່ອງກັບກົດໝາຍສາກົນ ແລະ ປະເພນີປະຕິບັດຂອງສາກົນ.

ທ່ານໂຄສົກກ່າວຕື່ມວ່າ: ຟີລິບປິນປະກາດອັນທີ່ເອີ້ນວ່າກົດໝາຍວ່າດ້ວຍພື້ນທີ່ທາງທະເລ, ຈີນແມ່ນເດັດດ່ຽວຄັດຄ້ານຕໍ່ກັບເລື່ອງນີ້, ຈະສືບຕໍ່ນຳໃຊ້ມາດຕະການອັນຈຳເປັນຕ່າງໆຕາມກົດໝາຍ, ເດັດດ່ຽວປົກປັກຮັກສາອະທິປະໄຕເໜືອຜືນແຜ່ນດິນ ແລະ ຜົນປະໂຫຍດທາງທະເລຂອງຊາດ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ