ທ່ານຫຼີສຽງພົບປະທ່ານມິນອອງລາຍ ຜູ້ນຳມຽນມາ

cri2024-11-07 15:06:58

ຕອນບ່າຍວັນທີ 6 ພະຈິກນີ້, ທ່ານຫຼີສຽງ ນາຍົກລັດຖະມົນຕີຈີນໄດ້ພົບປະກັບທ່ານມິນອອງລາຍ ຜູ້ນຳມຽນມາທີ່ໄດ້ເດີນທາງມາເຂົ້າຮ່ວມກອງປະຊຸມສຸດຍອດຄັ້ງທີ 8 ຂອງການຮ່ວມມືເສດຖະກິດອະນຸພາກພື້ນແມ່ນ້ຳຂອງຢູ່ນະຄອນຄຸນໝິງແຂວງຢຸນນານຈີນ.

ທ່ານຫຼີສຽງກ່າວວ່າ: ຈີນຍິນດີຮ່ວມກັນກັບມຽນມາປັບປຸງແລະເພີ່ມທະວີຄວາມໄວ້ເນື້ອເຊື່ອໃຈກັນດ້ານການເມືອງ, ລົງເລິກການຮ່ວມມືດ້ານຍຸດທະສາດຮອບດ້ານ, ຮ່ວມກັນຮັບມືກັບສິ່ງທ້າທາຍ, ຊຸກຍູ້ການສ້າງປະຊາຄົມຮ່ວມຊາຕາກຳຈີນ-ມຽນມາໃຫ້ລົງສູ່ລວງເລິກແລະມີຜົນສຳເລັດຢ່າງແທ້ຈິງ.

ທ່ານມິນອອງລາຍກ່າວວ່າ: ມຽນມາຄອງຄອຍຖືເອົາປີ 2025 ເຊິ່ງເປັນປີສ້າງຕັ້ງສາຍພົວພັນທາງການທູດລະຫວ່າງສອງປະເທດຄົບຮອບ 75 ປີເປັນໂອກາດທີ່ດີ, ລົງເລິກການຮ່ວມມືໃນແຕ່ລະຂົງເຂດ, ຊຸກຍູ້ການສ້າງປະຊາຄົມຮ່ວມຊາຕາກຳມຽນມາ-ຈີນໃຫ້ໄດ້ຮັບການພັດທະນາຢ່າງໃຫຍ່ຫຼວງກວ່າເກົ່າ. ມຽນມາຈະພະຍາຍາມສຸດຂີດເພື່ອຮັບປະກັນຄວາມປອດໄພຂອງອົງການ, ໂຄງການແລະບຸກຄົນຂອງຈີນທີ່ຢູ່ມຽນມາ.

.md_Laos_page01 .md_hd{width:300px;}

ຄໍລຳ