ກະຊວງການຕ່າງປະເທດຈີນ: ທ່າອ່ຽງປະຫວັດສາດທີ່ຍຶດໝັ້ນຫຼັກການປະເທດຈີນດຽວແມ່ນຖືກຂັດຂວາງບໍ່ໄດ້

cri2024-11-07 14:38:14

ທ່ານຊູຣັນເກວ ເອັສ ວິພສ໌, ຜູ້ສະໝັກຮັບເລືອກຕັ້ງປະທານາທິບໍດີປາເລົາ, ປະທານາທິບໍດີປາເລົາຄົນປັດຈຸບັນກ່າວວ່າ: ໃນໄລຍະຜ່ານມານີ້, ຈີນໄດ້ໃຊ້ແຮງກົດດັນຕໍ່ຂ້າພະເຈົ້າ, ທວງໃຫ້ຂ້າພະເຈົ້າຕັດຂາດ “ການພົວພັນທາງການທູດ” ກັບເຂດໄຕ້ຫວັນ. ຍັງມີຂ່າວແຈ້ງໃຫ້ຮູ້ອີກວ່າ: ທ່ານໂທມັສ ເອຊັງ ເຣແມນເກເຊົາ ຜູ້ສະໝັກຮັບເລືອກຕັ້ງປະທານາທິບໍດີປາເລົາອີກທ່ານໜຶ່ງ ໄດ້ປະຕິເສດການວິຈານກ່ຽວກັບທ່ານມີທ່າທີເຂົ້າຂ້າງຈີນ.

ຕໍ່ກັບເລື່ອງນີ້, ທ່ານນາງມາວໜີງ ໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອວັນທີ 4 ພະຈິກນີ້ວ່າ: ທ່າອ່ຽງປະຫວັດສາດທີ່ຍຶດໝັ້ນຫຼັກການປະເທດຈີນດຽວແມ່ນຖືກຂັດຂວາງບໍ່ໄດ້. ປັດຈຸບັນ, ມີແຕ່ປະເທດຈຳນວນໜ້ອຍທີ່ສຸດ ເຊັ່ນ: ປາເລົາເປັນຕົ້ນ ທີ່ຮັກສາອັນທີ່ເອີ້ນວ່າ “ການພົວພັນທາງການທູດ” ກັບເຂດໄຕ້ຫວັນຈີນ. ການກະທຳແບບນີ້ບໍ່ພຽງແຕ່ໄດ້ຝ່າຝືນຜົນປະໂຫຍດຂອງປະເທດແລະປະຊາຊົນຂອງຕົນເທົ່ານັ້ນ, ຍັງໄດ້ລະເມີດມະຕິເລກທີ 2758 ຂອງສະມັດຊາໃຫຍ່ອົງການສະຫະປະຊາຊາດ, ພ້ອມທັງເປັນການລ່ວງລ້ຳອະທິປະໄຕຂອງປະເທດຈີນ, ຕ້ອງທວງໃຫ້ແກ້ໄຂ. ຈີນຮຽກຮ້ອງໃຫ້ປະເທດເຫຼົ່ານີ້ ຈົ່ງທຳການຕັດສິນໃຈຢ່າງຖືກຕ້ອງທີ່ສອດຄ່ອງກັບຜົນປະໂຫຍດພື້ນຖານແລະໄລຍະຍາວຂອງຕົນຢ່າງແທ້ຈິງໂດຍໄວ.

.md_Laos_page01 .md_hd{width:300px;}

ຄໍລຳ