ທ່ານ ຫຼີສຽງ ພົບປະກັບນາຍົກລັດຖະມົນຕີກາຊັກສະຖານ

cri2024-11-05 15:13:00

ຕອນບ່າຍວັນທີ 4 ພະຈິກນີ້, ທ່ານ ຫຼີສຽງ ນາຍົກລັດຖະມົນຕີຈີນໄດ້ພົບປະກັບທ່ານ ໂອນຊາສ ເບັກເຕນົຟ ນາຍົກລັດຖະມົນຕີກາຊັກສະຖານທີ່ມາເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ຢູ່ນະຄອນຊຽງໄຮ້ຂອງຈີນ.

ທ່ານ ຫຼີສຽງ ກ່າວວ່າ: ຈີນຍິນດີຮ່ວມກັບກາຊັກສະຖານ, ຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນອັນສຳຄັນຂອງປະມຸກລັດສອງປະເທດໃຫ້ດີ,ລົງເລິກຄວາມໄວ້ເນື້ອເຊື່ອໃຈກັນທາງດ້ານການເມືອງຢ່າງບໍ່ຢຸດຢັ້ງ,ເປີດກວ້າງການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດຢ່າງຕໍ່ເນື່ອງ,ເພີ່ມທະວີການເຊື່ອມຕໍ່ດ້ານຍຸດທະສາດການພັດທະນາ,ຖືເອົາການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ທີ່ມີຄຸນນະພາບສູງເປັນສິ່ງນຳໜ້າ,ຍົກລະດັບການເຊື່ອມໂຍງເຊື່ອມຈອດກັນໃຫ້ສູງຂຶ້ນ,ຊຸກຍູ້ໃຫ້ໄດ້ຮັບຜົນງານຕົວຈິງຫຼາຍກວ່າເກົ່າ.

ທ່ານ ໂອນຊາສ ເບັກເຕນົຟ ກ່າວວ່າ: ກາຊັກສະຖານຍິນດີຮັດແໜ້ນການໄປມາຫາສູ່ກັນກັບການນຳຂັ້ນສູງຂອງຈີນຕື່ມອີກ,ລົງເລິກການຮ່ວມມືໃນຂົງເຂດຕ່າງໆເຊັ່ນ:ການຄ້າ,ການລົງທຶນແລະກະສິກຳເປັນຕົ້ນ,ເພີ່ມທະວີການເຊື່ອມໂຍງເຊື່ອມຈອດກັນພາຍໃຕ້ຂອບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ຖືເອົາການຈັດ “ປີທ່ອງທ່ຽວ” ຮ່ວມກັນເປັນກາລະໂອກາດ ແລະເປີດກວ້າງການແລກປ່ຽນດ້ານວັດທະນະທຳ.

.md_Laos_page01 .md_hd{width:300px;}

ຄໍລຳ