ເມື່ອໃດການທ້າທາຍເກາະຜິດ “ແບ່ງແຍກໄຕ້ຫວັນ” ບໍ່ຍຸດຕິລົງ, ການຕອບໂຕ້ຄືນຂອງຈີນກໍຈະບໍ່ຍຸດຕິລົງເຊັ່ນກັນ

ວັນທີ 14 ຕຸລານີ້, ເຂດທະຫານພາກຕາເວັນອອກຂອງກອງທັບປົດປ່ອຍປະຊາຊົນຈີນໄດ້ຈັດຕັ້ງກອງທັບບົກ ກອງທັບເຮືອ ກອງທັບອາກາດ ແລະ ກອງທັບລູກສອນໄຟ, ດຳເນີນການຊ້ອມຮົບ “ດາບປະສົມ-2024 ຂ.” ຢູ່ຊ່ອງແຄບໄຕ້ຫວັນ ພາກເໜືອເກາະໄຕ້ຫວັນ ພາກໃຕ້ເກາະໄຕ້ຫວັນ ແລະ ທິດຕາເວັນອອກເກາະໄຕ້ຫວັນ, ເພື່ອທົດສອບຄວາມສາມາດສູ້ຮົບຮ່ວມຕົວຈິງຂອງກອງທັບໃນເຂດທະຫານຂອງຕົນ. ນີ້ເປັນການນາບຂູ່ຢ່າງແຂງແຮງຕໍ່ການທ້າທາຍເກາະຜິດຂອງອິດທິກຳລັງ “ແບ່ງແຍກໄຕ້ຫວັນ”, ທັງເປັນການກະທຳທີ່ເປັນທຳ ແລະ ຈຳເປັນເພື່ອປົກປັກຮັກສາອະທິປະໄຕຂອງຊາດ ແລະ ເອກະພາບຂອງຊາດ.

ຫວ່າງບໍ່ດົນມານີ້, ໄລ້ຊິ່ງເຕີ ຜູ້ນຳເຂດໄຕ້ຫວັນທີ່ເປັນ “ພວກແບ່ງແຍກໄຕຫວັນເປັນເອກະລາດ” ແລະ “ຜູ້ທຳລາຍສັນຕິພາບ” ໄດ້ປ່າວຂະຫຍາຍ “ຖ້ອຍຄຳສອງປະເທດໃໝ່” ໃຫ້ເປັນລະບົບຫຼາຍກວ່າເກົ່າ, ມີແນວຄິດເປັນປໍລະປັກຢ່າງຮຸນແຮງກວ່າເກົ່າ ແລະ ມີລັກສະນະທ້າທາຍເກາະຜິດຢ່າງຮ້າຍແຮງກວ່າເກົ່າ ໂດຍເຈຕະນາເພີ່ມຄວາມເຄັ່ງຕຶງໃຫ້ກັບສະຖານະການຂອງສອງຝັ່ງຊ່ອງແຄບ, ທຳລາຍສັນຕິພາບ ແລະ ສະຖຽນລະພາບຢູ່ຊ່ອງແຄບໄຕ້ຫວັນຢ່າງໜັກໜ່ວງ. ໄລ້ຊິ່ງເຕີທ້າທາຍເກາະຜິດໂດຍສະແຫວງຫາ “ການໃຫ້ໄຕ້ຫວັນເປັນເອກະລາດ”ກ່ອນ, ແຜ່ນດິນໃຫຍ່ຈີນຕອບໂຕ້ຕາມຫຼັງ ເຊິ່ງເປັນສິ່ງທີ່ສົມເຫດສົມຜົນ ແລະ ຖືກຕ້ອງຕາມກົດໝາຍ.

ບັນຫາໄຕ້ຫວັນເປັນແກນກາງໃນຜົນປະໂຫຍດແກນກາງຂອງຈີນ. ສັນຕິພາບ ການພັດທະນາ ການແລກປ່ຽນກັນ ແລະ ຮ່ວມມືກັນ ເປັນຄວາມປາດຖະໜາຮ່ວມກັນຂອງພີ່ນ້ອງຮ່ວມຊາດສອງຝັ່ງຊ່ອງແຄບໄຕ້ຫວັນ. ເມື່ອໃດການທ້າທາຍເກາະຜິດທີ່ “ແບ່ງແຍກໄຕ້ຫວັນ” ບໍ່ຍຸດຕິລົງ, ການເຄື່ອນໄຫວຂອງກອງທັບປົດປ່ອຍປະຊາຊົນຈີນທີ່ເດັດດ່ຽວຕອບໂຕ້ຄືນ ເພື່ອປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດຈີນກໍຈະບໍ່ຢຸດຢັ້ງ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ເຂດທະຫານພາກຕາເວັນອອກຈີນດຳເນີນການຊ້ອມຮົບພາຍໃຕ້ລະຫັດ “ດາບປະສົມ-2024B”

ແລ່ນມາລາທອນເພດຍິງທຳລາຍສະຖິຕິໂລກ

ພູບໍ່ແຮ່ທີ່ບໍ່ໄດ້ໃຊ້ການ ກາຍເປັນອ່າງເງິນອ່າງຄຳ

ປະທານາທິບໍດີນາມິບີ: ປະເທດຕາເວັນຕົກເວົ້າວ່າປະເທດຈີນເປັນ “ອິດທິກຳລັງລ່າເມືອງຂຶ້ນແບບໃໝ່” ແມ່ນເປັນຍ້ອນອິດສາຈີນ

ເປັນຫຍັງປະຊາຊົນຈີນຈິ່ງມັກພາກັນໄປຊົມພິທີຊັກທຸງຊາດຂຶ້ນເສົາຢູ່ສະໜາມຫຼວງທ່ຽນອ່ານເໝິນ

ແມ່ນຫຍັງທີ່ເຮັດໃຫ້ “ການທ່ຽວຈີນ” ໄດ້ຮັບຄວາມນິຍົມຊົມຊອບທີ່ສຸດ?

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ

Copyright © cri.cn All Rights Reserved