ຈີນໃຫ້ຄວາມເອົາໃຈໃສ່ໃນລະດັບສູງຕໍ່ສະຖານະການເຄັ່ງຕຶງລະຫວ່າງອິດສະຣາແອນ-ອີຣານ

ວັນທີ 14 ຕຸລານີ້, ທ່ານ ວາງຢີ້ ກຳມະການກົມການເມືອງສູນກາງພັກຄອມມູນິດຈີນ, ລັດຖະມົນຕີກະຊວງການຕ່າງປະເທດຈີນໄດ້ໂອ້ລົມກັບທ່ານອິດສະຣາແອນ ຄາສ໊ ລັດຖະມົນຕີກະຊວງການຕ່າງປະເທດອິດສະຣາແອນຜ່ານທາງໂທລະສັບ.

ທ່ານວາງຢີ້ກ່າວວ່າ: ການປະທະກັນຢູ່ເຂດຕາເວັນອອກກາງໄດ້ເກີດຂຶ້ນມາເປັນເວລາດົນນານ ພ້ອມທັງຮຸນແຮງຂຶ້ນ, ປະຊາຄົມໂລກຮູ້ສຶກກັງວົນຫຼາຍຕໍ່ກັບເລື່ອງນີ້. ການປະທະກັນຢູ່ເຂດກາຊາສະແດງໃຫ້ເຫັນອີກເທື່ອໜຶ່ງວ່າ: ບັນຫາປາແລັດສະຕີນຍັງເປັນແກນກາງຂອງບັນຫາຕາເວັນອອກກາງ. ປະຊາຄົມໂລກຫວັງໃຫ້ກັບຄືນສູ່ວົງໂຄຈອນທີ່ແກ້ໄຂດ້ວຍ“ແຜນການສອງປະເທດ”ທາງການເມືອງໂດຍໄວເທົ່າທີ່ຈະໄວໄດ້, ຈົນຮອດຂັ້ນສຸດທ້າຍແມ່ນສາມາດບັນລຸໃຫ້ອິດສະຣາແອນແລະປາແລັດສະຕີນຢູ່ນຳກັນໂດຍສັນຕິ ພ້ອມທັງໃຫ້ຊົນເຜົ່າຢິວແລະອາຣັບຢູ່ຮ່ວມກັນຢ່າງປອງດອງກັນ.

ທ່ານວາງຢີ້ກ່າວຕື່ມວ່າ: ຈີນບໍ່ມີຜົນປະໂຫຍດສ່ວນຕົວໃດໆໃນວຽກງານພາກພື້ນ ແລະບໍ່ເຄີຍເຂົ້າຮ່ວມການຍາດເອົາດິນແດນຈັກເທື່ອ. ໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ, ຈີນແມ່ນຢືນຢູ່ຂ້າງສັນຕິພາບມາໂດຍຕະຫຼອດ, ພວກເຮົາຈະສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນຕໍ່ການຊຸກຍູ້ໃຫ້ສະຖານະການຜ່ອນຄາຍລົງ ແລະຟື້ນຟູສັນຕິພາບຢູ່ພາກພື້ນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ເຂດທະຫານພາກຕາເວັນອອກຈີນດຳເນີນການຊ້ອມຮົບພາຍໃຕ້ລະຫັດ “ດາບປະສົມ-2024B”

ແລ່ນມາລາທອນເພດຍິງທຳລາຍສະຖິຕິໂລກ

ພູບໍ່ແຮ່ທີ່ບໍ່ໄດ້ໃຊ້ການ ກາຍເປັນອ່າງເງິນອ່າງຄຳ

ປະທານາທິບໍດີນາມິບີ: ປະເທດຕາເວັນຕົກເວົ້າວ່າປະເທດຈີນເປັນ “ອິດທິກຳລັງລ່າເມືອງຂຶ້ນແບບໃໝ່” ແມ່ນເປັນຍ້ອນອິດສາຈີນ

ເປັນຫຍັງປະຊາຊົນຈີນຈິ່ງມັກພາກັນໄປຊົມພິທີຊັກທຸງຊາດຂຶ້ນເສົາຢູ່ສະໜາມຫຼວງທ່ຽນອ່ານເໝິນ

ແມ່ນຫຍັງທີ່ເຮັດໃຫ້ “ການທ່ຽວຈີນ” ໄດ້ຮັບຄວາມນິຍົມຊົມຊອບທີ່ສຸດ?

ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ

Copyright © cri.cn All Rights Reserved