ຈີນໄດ້ເຊື້ອເຊີນເຈົ້າໜ້າທີ່ຝ່າຍເອີຣົບເດີນທາງມາຈີນຢ່າງເປັນທາງການເພື່ອສືບຕໍ່ເປິກສາຫາລືກ່ຽວກັບແຜນການຕ້ານການອຸດໜູນລົດພະລັງງານໄຟຟ້າແນໃສ່ຈີນ

cri2024-10-13 14:27:43

ວັນທີ 12 ຕຸລານີ້, ກະຊວງການຄ້າຈີນໄດ້ຈັດກອງປະຊຸມຖະແຫຼງຂ່າວ, ໃນໂອກາດນີ້, ໂຄສົກກະຊວງການຄ້າຈີນໄດ້ຕອບຄຳຖາມນັກຂ່າວກ່ຽວກັບແຜນການຂອງສະຫະພາບເອີຣົບເພື່ອຕ້ານການອຸດໜູນລົດພະລັງງານໄຟຟ້າແນໃສ່ຈີນ.

ໂຄສົກທ່ານນີ້ກ່າວຢືນຢັນວ່າ: ທີມງານວິຊາການຂອງຈີນແລະເອີຣົບໄດ້ດຳເນີນການເປິກສາຫາລືລວມທັງໝົດ 8 ຮອບຢູ່ນະຄອນຫຼວງບຣຸກແຊນປະເທດແບນຊິກ. ແຕ່ວ່າຈົນມາຮອດປັດຈຸບັນ, ການເປິກສາຫາລືດັ່ງກ່າວຍັງບໍ່ທັນສາມາດບັນລຸແຜນການແກ້ໄຂບັນຫາທີ່ທັງສອງຝ່າຍຮັບຮອງໄດ້ເທື່ອ. ຈີນຍັງຄົງມີທັດສະນະທ່າທີແລະຄວາມຈິງໃຈໃນການສະແຫວງຫາແຜນການໄກ້ໄຂບັນຫາໂດຍຜ່ານການສົນທະນາຄືເກົ່າ, ດັ່ງນັ້ນ, ຈຶ່ງໄດ້ເຊື້ອເຊີນເຈົ້າໜ້າທີ່ຝ່າຍເອີຣົບສົ່ງທີມງານວິຊາການເດີນທາງມາຈີນໂດຍໄວຢ່າງເປັນທາງການ ເພື່ອສືບຕໍ່ເປິກສາຫາລືແບບເຊິ່ງໜ້າຮອບໃໝ່, ຈີນໄດ້ກຽມຄວາມພ້ອມທຸກປະການແລ້ວເພື່ອເລື່ອງນີ້. ຫວັງວ່າຝ່າຍເອີຣົບຈະສາມາດຮ່ວມກັບຝ່າຍຈີນມຸ່ງໜ້າໄປສູ່ເປົ້າໝາຍດຽວກັນ, ຈັດການໃຫ້ທີມງານເດີນທາງມາຈີນໂດຍໄວ ແລະ ເລັ່ງຊຸກຍູ້ການເປິກສາຫາລືດ້ວຍທ່າທີທີ່ມີລັກສະນະສ້າງສັນ ເພື່ອບັນລຸແຜນການແກ້ໄຂບັນຫາທີ່ເໝາະສົມໂດຍໄວ.

.md_Laos_page01 .md_hd{width:300px;}

ຄໍລຳ