ໄລ້ຊິ່ງເຕີສະແຫວງຫາ “ແບ່ງແຍກໄຕ້ຫວັນເປັນເອກະລາດ” ນັ້ນເປັນຜົນກະທົບທີ່ໜັກໜ່ວງຕໍ່ສັນຕິພາບ ແລະ ສະຖຽນລະພາບຢູ່ຊ່ອງແຄບໄຕ້ຫວັນ

ວັນທີ 10 ຕຸລານີ້, ທ່ານໄລ້ຊິ່ງເຕີ ຜູ້ນຳເຂດໄຕ້ຫວັນຈີນໄດ້ກ່າວຄຳປາໄສ ໂດຍກ່າວເຖິງອັນທີ່ເອີ້ນວ່າ “ຖ້ອຍທຳນອງສອງປະເທດໃໝ່” ທີ່ “ບໍ່ສັງກັດແກ່ກັນ”, ປັ້ນແຕ່ງຖ້ອຍຄຳ “ແບ່ງແຍກໄຕ້ຫວັນເປັນເອກະລາດ” ຢ່າງໄຮ້ເຫດຜົນ, ໂຄສະນາເຈຕະນາທີ່ແບ່ງແຍກ, ປຸກປັ່ນຄວາມເປັນປໍລະປັກກັນລະຫວ່າງສອງຝັ່ງຊ່ອງແຄບໄຕ້ຫວັນ. ພາຍໃຕ້ສະພາບການທີ່ຫຼັກການປະເທດຈີນດຽວໄດ້ກາຍເປັນຄວາມຮັບຮູ້ທົ່ວໄປຂອງປະຊາຄົມໂລກ, ໄລ້ຊິ່ງເຕີຫວ່ານຖ້ອຍຄຳທີ່ຜິດກັບກະແສຂອງຍຸກສະໄໝ, ໄດ້ເປີດເຜີຍໃຫ້ເຫັນເຈຕະນາທີ່ເປັນອັນຕະລາຍຂອງເຂົາທີ່ບໍ່ເສຍດາຍຈະທຳລາຍສັນຕິພາບ ແລະ ສະຖຽນລະພາບຂອງຊ່ອງແຄບໄຕ້ຫວັນເພື່ອສະແຫວງຫາຜົນປະໂຫຍດສ່ວນຕົວດ້ານການເມືອງ, ແລະໄດ້ເປີດເຜີຍໂສມໜ້າອັນແທ້ຈິງຂອງເຂົາທີ່ເປັນ “ພວກແບ່ງແຍກໄຕ້ຫວັນເປັນເອກະລາດ” ແລະ “ຜູ້ຍຸແຍ່ການລະເບີດສົງຄາມ”.

ບໍ່ວ່າໄລ້ຊິ່ງເຕີປັ້ນແຕ່ງຖ້ອຍຄຳແປກປະຫຼາດແນວໃດກໍຕາມ, ກໍບໍ່ສາມາດປ່ຽນແປງຄວາມຈິງທີ່ສອງຝັ່ງຊ່ອງແຄບໄຕ້ຫວັນຂຶ້ນກັບປະເທດຈີນດຽວ, ໄຕ້ຫວັນເປັນພາກສ່ວນໜຶ່ງຂອງຈີນ. ເມື່ອ 53 ປີກ່ອນ, ກອງປະຊຸມສະມັດຊາໃຫຍ່ອົງການສະຫະປະຊາຊາດຄັ້ງທີ 26ໄດ້ຮັບຮອງເອົາມະຕິເລກ 2758 ດ້ວຍຄະແນນສຽງເຫັນດີຢ່າງຖ້ວມທົ້ນ ໂດຍກຳນົດຢ່າງຈະແຈ້ງວ່າ ບໍ່ມີອັນທີ່ເອີ້ນວ່າ “ສອງປະເທດຈີນ”, ກໍບໍ່ມີ “ຈີນໜຶ່ງໄຕ້ຫວັນໜຶ່ງ”.

ໃນເຄິ່ງສະຕະວັດຜ່ານມາ, ອົງການສະຫະປະຊາຊາດ, ອົງການຈັດຕັ້ງສາກົນ ແລະ ພາກພື້ນອື່ນໆໄດ້ປະຕິບັດຕາມມະຕິເລກ 2758 ຂອງສະມັດຊາໃຫຍ່ອົງການສະຫະປະຊາຊາດ. ພາຍໃຕ້ປະຖົມປັດໄຈຂອງຫຼັກການປະເທດຈີນດຽວ, ຈີນໄດ້ສ້າງຕັ້ງສາຍພົວພັນທາງການທູດກັບ 183 ປະເທດ. ນີ້ໄດ້ສະແດງໃຫ້ເຫັນຢ່າງເຕັມສ່ວນວ່າ, ການຍຶດໝັ້ນຫຼັກການປະເທດຈີນດຽວເປັນຄວາມສັດຈະຂອງສາກົນ, ເປັນຄວາມປາດຖະໜາຮ່ວມຂອງປະຊາຊົນ ແລະ ທ່ວງທ່າລວມ. ບໍ່ວ່າເຈົ້າໜ້າທີ່ພັກມິນຈິ້ນຈະຍຸແຍ່ແນວໃດກໍຍ່ອມຈະປະສົບຄວາມລົ້ມເຫຼວຢ່າງແນ່ນອນ.

ອະນາຄົດຂອງໄຕ້ຫວັນຂຶ້ນຢູ່ກັບຄວາມເປັນເອກະພາບຂອງຊາດ, ຄວາມສຸກຂອງພີ່ນ້ອງຮ່ວມຊາດໄຕ້ຫວັນຂຶ້ນຢູ່ກັບການຟື້ນຟູຄວາມຈະເລີນຮຸ່ງເຮືອງຂອງປະຊາຊາດ. ບໍ່ວ່າໄລ້ຊິ່ງເຕີຮ້ອງປ່າວຖ້ອຍຄຳ “ໄຕ້ຫວັນເປັນເອກະລາດ” ທີ່ແປກປະຫຼາດແນວໃດກໍຕາມ, ກໍບໍ່ສາມາດປ່ຽນແປງຄວາມຈິງດ້ານກົດໝາຍທີ່ໄຕ້ຫວັນເປັນພາກສ່ວນໜຶ່ງຂອງປະເທດຈີນ, ບໍ່ສາມາດປ່ຽນແປງຄວາມຈິງ ແລະ ສະພາບໃນປັດຈຸບັນ ທີ່ສອງຝັ່ງຊ່ອງແຄບໄຕ້ຫວັນລ້ວນແຕ່ຂຶ້ນກັບປະເທດຈີນດຽວ ແລະບໍ່ສາມາດຫຼອກລວງປະຊາຄົມໂລກໄດ້.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ພູບໍ່ແຮ່ທີ່ບໍ່ໄດ້ໃຊ້ການ ກາຍເປັນອ່າງເງິນອ່າງຄຳ