ທ່ານສີຈິ້ນຜິງສົ່ງຈົດໝາຍເຖິງກອງປະຊຸມຜູ້ແທນສະມາຊິກສະພາກາແດງແຫ່ງຊາດຈີນຄັ້ງທີ 12

cri2024-10-10 14:43:42

ເນື່ອງໃນໂອກາດຈັດກອງປະຊຸມຜູ້ແທນສະມາຊິກສະພາກາແດງແຫ່ງຊາດຈີນຄັ້ງທີ 12 , ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ສົ່ງຈົດໝາຍເຖິງກອງປະຊຸມ, ເພື່ອສະແດງຄວາມຢື້ຢາມຖາມຂ່າວຢ່າງຈິງໃຈຕໍ່ພະນັກງານ, ສະມາຊິກ ແລະອາສາສະໝັກຂອງສະພາກາແດງໃນທົ່ວປະເທດ ພ້ອມທັງສະແດງຄວາມຫວັງຕໍ່ວຽກງານຂອງສະພາກາແດງ. ເນື້ອໃນຈົດໝາຍຂອງທ່ານສີຈິ້ນຜິງເນັ້ນໜັກວ່າ: ຕ້ອງສຸມໃສ່ການພັດທະນາທີ່ມີຄຸນນະພາບສູງ, ລົງເລິກການປະຕິຮູບ ແລະການປະດິດສ້າງໃໝ່ຕື່ມອີກ, ເພີ່ມທະວີການສ້າງຄວາມໜ້າເຊື່ອຖື, ຍົກສູງຄວາມສາມາດການບໍລິການດ້ານມະນຸດສະທຳ, ຕັ້ງໜ້າເຂົ້າຮ່ວມ ແລະສະໜັບສະໜູນພາລະກິດມະນຸດສະທຳສາກົນ, ປະກອບສ່ວນອັນໃໝ່ ແລະໃຫຍ່ຫຼວງກວ່າເກົ່າເຂົ້າໃນການຊຸກຍູ້ການສ້າງສາປະເທດທີ່ເຂັ້ມແຂງ, ການຟື້ນຟູຄວາມຈະເລີນຮຸ່ງເຮືອງຄືນໃໝ່ຂອງປະຊາຊາດຈີນຢ່າງຮອບດ້ານ, ພ້ອມທັງການຊຸກຍູ້ສັນຕິພາບ ແລະຄວາມກ້າວໜ້າຂອງມວນມະນຸດດ້ວຍຄວາມທັນສະໄໝແບບຈີນ.