ທ່ານສີຈິ້ນຜິງຕ້ອນຮັບການເຂົ້າຢ້ຽມຄຳນັບຂອງນາຍົກລັດຖະມົນຕີເຢຍລະມັນ

ຕອນເຊົ້າວັນທີ 16 ເມສານີ້, ທ່ານສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານໂອລາຟ ໂຊນສ ນາຍົກລັດຖະມົນຕີເຢຍລະມັນຢູ່ນະຄອນຫຼວງປັກກິ່ງຈີນ.

ທ່ານສີຈິ້ນຜິງຊີ້ໃຫ້ເຫັນວ່າ: ປັດຈຸບັນນີ້, ການປ່ຽນແປງຮອບຮ້ອຍປີໃນໂລກໄດ້ພັດທະນາຢ່າງວ່ອງໄວ, ສັງຄົມມະນຸດໄດ້ຜະເຊີນກັບຄວາມສ່ຽງ ແລະ ສິ່ງທ້າທາຍຫຼາຍກວ່າເກົ່າ, ຖ້າຢາກແກ້ໄຂບັນຫາເຫຼົ່ານີ້ແມ່ນຈະປັດສະຈາກການຮ່ວມມືລະຫວ່າງປະເທດໃຫຍ່ບໍ່ໄດ້. ຈີນ ແລະ ເຢຍລະມັນຕ່າງແມ່ນກຸ່ມເສດຖະກິດໃຫຍ່ອັນດັບ 2 ແລະ ອັນດັບ 3 ໃນໂລກ, ການທີ່ປັບປຸງ ແລະ ພັດທະນາສາຍພົວພັນຈີນ-ເຢຍລະມັນນັ້ນແມ່ນມີຜົນສະທ້ອນອັນສຳຄັນຕໍ່ແຜ່ນດິນໃຫຍ່ອາຊີ-ເອີຣົບຈົນເຖິງທົ່ວໂລກ. ສອງປະເທດຕ້ອງປະຕິບັດຕໍ່ ແລະ ພັດທະນາສາຍພົວພັນສອງຝ່າຍຈາກມຸມມອງຍາວໄກ ແລະ ຍຸດທະສາດ, ເກາະແຂນກັນເພີ່ມຄວາມໝັ້ນທ່ຽງ ແລະ ຄວາມແນ່ນອນໃຫ້ແກ່ໂລກຫຼາຍກວ່າເກົ່າ.

ທ່ານໂອລາຟ ໂຊນສ ກ່າວວ່າ: ເຢຍລະມັນຍິນດີຮ່ວມກັບຈີນສືບຕໍ່ປັບປຸງສາຍພົວພັນລະຫວ່າງສອງປະເທດໃຫ້ແໜ້ນແຟ້ນ, ລົງເລິກການສົນທະນາ ແລະ ການຮ່ວມມືສອງຝ່າຍໃນຂົງເຂດຕ່າງໆ, ຊຸກຍູ້ການແລກປ່ຽນດ້ານການສຶກສາ ແລະ ວັດທະນະທຳເປັນຕົ້ນ, ສຸມກໍາລັງເຂົ້າໃນການປົກປັກຮັກສາລະບຽບສາກົນຫຼາຍຝ່າຍ, ຊຸກຍູ້ສັນຕິພາບ ແລະ ການພັດທະນາຂອງໂລກ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ນິທັດສະການພື້ນຖານການຜະລິດໄຟແສງສີຂະໜາດໃຫຍ່ທີ່ສຸດຢູ່ໃນໂລກ