ໂຄສົກກະຊວງການຕ່າງປະເທດຈີນແນະນຳສະພາບລະອຽດກ່ຽວກັບການສົນທະນາທາງໂທລະສັບລະຫວ່າງປະມຸກລັດຈີນ-ອາເມຣິກາ
ວັນທີ 3 ເມສານີ້, ທ່ານຫວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມໃນກອງປະຊຸມຖະແຫຼງຂ່າວ, ໂດຍໄດ້ແນະນຳສະພາບລະອຽດກ່ຽວກັບການສົນທະນາທາງໂທລະສັບລະຫວ່າງປະມຸກລັດຈີນ-ອາເມຣິກາທີ່ກ່ຽວພັນເຖິງບັນຫາເກາະເຣິນໄອ້, ບັນຫາຮົງກົງ, ບັນຫາຊິ່ນຈ່ຽງ, ບັນຫາຕິເບດ ແລະອື່ນໆ.
ກ່ຽວກັບເກາະເຣິນໄອ້, ທ່ານຫວ່າງເວີນປິ່ນກ່າວວ່າ: ໃນການສົນທະນາເທື່ອນີ້, ຈີນກ່າວເນັ້ນຕໍ່ອາເມຣິກາວ່າ ຈີນມີອະທິປະໄຕທີ່ບໍ່ສາມາດໂຕ້ຖຽງກັນໄດ້ຕໍ່ໝູ່ເກາະນານຊ່າ ແລະເຂດນ່ານນ້ຳທີ່ຢູ່ບໍລິເວນໃກ້ຄຽງ, ເຊິ່ງກວມເອົາເກາະ, ດອນ, ຫາດຊາຍ ແລະຊາຍພາຍໃນໝູ່ເກາະນານຊ່າ, ລວມທັງເກາະເຣິນໄອ້. ອາເມຣິກາບໍ່ແມ່ນປະເທດທີ່ກ່ຽວຂ້ອງຂອງບັນຫາທະເລຈີນໃຕ້, ບໍ່ຄວນແຊກແຊງເຂົ້າໃນບັນຫາລະຫວ່າງຈີນ ແລະຟິລິບປິນ.
ກ່ຽວກັບເຂດບໍລິຫານພິເສດຮົງກົງ, ທ່ານຫວ່າງເວີນປິ່ນກ່າວເນັ້ນວ່າ: ການສຳເລັດວຽກງານນິຕິບັນຍັດມາດຕາທີ 23 ຂອງກົດໝາຍພື້ນຖານຮົງກົງແມ່ນໜ້າທີ່ຮັບຜິດຊອບທາງລັດຖະທຳມະນູນຂອງເຂດບໍລິຫານພິເສດຮົງກົງເພື່ອປົກປ້ອງຄວາມໝັ້ນຄົງແຫ່ງຊາດ, ມີຜົນດີຕໍ່ການປົກປັກຮັກສາຜົນປະໂຫຍດພື້ນຖານຂອງປະຊາຊົນຮົງກົງທັງໝົດ, ມີຜົນດີຕໍ່ການປົກປັກຮັກສາຜົນປະໂຫຍດຂອງນັກລົງທຶນຈາກບັນດາປະເທດໃນໂລກຢູ່ຮົງກົງ, ຈະບໍ່ຫຼຸດ ແລະທຳລາຍສິດຜົນປະໂຫຍດ ແລະຄວາມເສລີທີ່ຖືກຕ້ອງຕາມກົດໝາຍຂອງປະຊາຊົນຮົງກົງ. ອາເມຣິກາຄວນເຄົາລົບອະທິປະໄຕຂອງຈີນ ແລະການຄຸ້ມຄອງຕາມກົດໝາຍຂອງເຂດບໍລິຫານພິເສດຮົງກົງ, ບໍ່ຄວນລົບກວນ, ຍິ່ງບໍ່ຄວນແຊກແຊງ.
ກ່ຽວກັບບັນຫາເຂດປົກຄອງຕົນເອງອຸຍເກີຊິ່ນຈ່ຽງ ແລະເຂດຕິເບດ, ທ່ານຫວ່າງເວີນປິ່ນກ່າວເນັ້ນວ່າ: ບັນຫາຊິ່ນຈ່ຽງ ແລະບັນຫາຕິເບດແມ່ນວຽກງານພາຍໃນຂອງຈີນ, ຈີນເດັດດ່ຽວຄັດຄ້ານອາເມຣິກາແຊກແຊງວຽກງານພາຍໃນຂອງຈີນໂດຍຖືບັນຫາສິດທິມະນຸດເປັນຂໍ້ອ້າງ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ເປີດສັບປະດາແຟຊັນໂຊດອກໂບຕັ໋ນລົ້ວຢາງຈີນຄັ້ງທີ 5
ລົດ 45 ຄັນໃຊ້ເວລາ 5 ຊົ່ວໂມງ ຜ່ານ “ທາງຟ້າ” ເພື່ອສົ່ງນັກຮຽນກັບເມືອໂຮງຮຽນ
ບຸນຊິ່ງໝິງ: ລຳນຶກ ແລະ ອາໄລຫາບັນພະບຸລຸດ ທັງ ຊົມວິວທຳມະຊາດ
ຈຸດ “ສະຫວ່າງກະຈ່າງໃສ” ： ໄວ້ອາໄລບັນພະບຸລຸດ ແລະ ທ່ຽວຊົມທິວທັດຂອງລະບູໃບໄມ້ປົ່ງ
ທາງລົດໄຟຈີນ-ລາວສ້າງພະລັງຂັບເຄື່ອນຢ່າງຫຼວງຫຼາຍໃຫ້ແກ່ການພັດທະນາຢ່າງຕໍ່ເນື່ອງຂອງຈີນ ແລະ ລາວ ກໍຄືຂອງພາກພື້ນ
ພົບກັບທ່ານສີຈິ້ນຜິງ|ພວກເຮົາລ້ວນແຕ່ມັກກິລາຫຼາຍ ແລະ ໄດ້ຜູກມິດກັນຍ້ອນງານກິລາໂອລິມປິກ
ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ
Copyright © cri.cn All Rights Reserved