ທ່ານສີຈິ້ນຜິງ: ຍົກສູງກຳລັງສູ້ຮົບໃນຄຸນນະພາບໃໝ່

ກຳລັງສູ້ຮົບໃນຄຸນນະພາບໃໝ່ເປັນຄວາມສາມາດສູ້ຮົບບົນພື້ນຖານລະບົບເຕັກໂນໂລຊີຂໍ້ມູນຂ່າວສານ, ເປັນຮູບແບບພື້ນຖານດ້ານກຳລັງສູ້ຮົບໃນເງື່ອນໄຂເຕັກໂນໂລຊີຂໍ້ມູນຂ່າວສານທີ່ລວມເອົາຄວາມສະດຸ້ງໄວຕໍ່ສະພາບສູ້ຮົບແບບສັງລວມ, ການບັນຊາຄວບຄຸມຕະຫຼອດເວລາ, ໂຈມຕີຢ່າງຖືກຕ້ອງແມ້ນຢຳ, ປ້ອງກັນຢ່າງຮອບດ້ານ ແລະສຸມໃສ່ການຄ້ຳປະກັນ.

ນັບຕັ້ງແຕ່ເປັນຜູ້ຊີ້ນຳວຽກງານຄະນະກຳມະການການທະຫານສູນກາງຈີນເປັນຕົ້ນມາ, ທ່ານສີຈິ້ນຜິງ ປະທານຄະນະກຳມະການການທະຫານສູນກາງຈີນໄດ້ໃຫ້ຄວາມສຳຄັນເປັນຢ່າງສູງຕໍ່ການກໍ່ສ້າງກຳລັງສູ້ຮົບຂອງກອງທັບຈີນມາໂດຍຕະຫຼອດ, ໂດຍເນັ້ນໜັກໃຫ້ຜັນຂະຫຍາຍມາດຕະຖານກຳລັງສູ້ຮົບໄປຈົນເຖິງທົ່ວຂະບວນການແລະທຸກດ້ານຂອງການກໍ່ສ້າງກອງທັບ.

ໃນກອງປະຊຸມສະພາປະຊາຊົນແຫ່ງຊາດຈີນ ແລະກອງປະຊຸມສະພາເປິກສາການເມືອງປະຊາຊົນແຫ່ງຊາດຈີນປະຈຳປີ2024ນີ້, ກຳລັງສູ້ຮົບໃນຄຸນນະພາບໃໝ່ໄດ້ກາຍເປັນໜຶ່ງໃນສິ່ງໃໝ່ຕ່າງໆທີ່ທ່ານສີຈິ້ນຜິງໄດ້ເອົາໃຈໃສ່.