“ງານສົນທະນາຜູ້ນຳອະນາຄົດຈີນ-ອາຟຣິກາຄັ້ງທີ 2” ຈັດຂຶ້ນຜ່ານທາງອອນລາຍ, ສົນທະນາກ່ຽວກັບອະນາຄົດແຫ່ງການຮ່ວມມືຈີນ-ອາຟຣິກາ

ຕອນບ່າຍວັນທີ 25 ພະຈິກນີ້, “ງານສົນທະນາຜູ້ນຳອະນາຄົດຈີນ-ອາຟຣິກາຄັ້ງທີ 2” ທີ່ມີສະມາຄົມປະຊາຊົນຈີນເພື່ອມິດຕະພາບກັບຕ່າງປະເທດເປັນເຈົ້າພາບນັ້ນ ໄດ້ຈັດຂຶ້ນຜ່ານທາງອອນລາຍ. ຫົວຂໍ້ຂອງງານສົນທະນາຄັ້ງນີ້ແມ່ນ “ປະກອບກຳລັງຂອງຊາວໜຸ່ມ ສ້າງອະນາຄົດທີ່ດີງາມກວ່າເກົ່າຂອງມະນຸດ”. ຜູ້ແທນໜ່ວຍງານສະມາຊິກຄະນະບໍລິຫານຂອງສະມາຄົມມິດຕະພາບປະຊາຊົນຈີນ-ອາຟຣິກາ ພ້ອມດ້ວຍຜູ້ແທນຊາວໜຸ່ມຈີນແລະປະເທດອາຟຣິກາ35 ປະເທດ ເກືອບ 300 ຄົນໄດ້ເຂົ້າຮ່ວມງານດັ່ງກ່າວຜ່ານທາງອອນລາຍ.

ໃນການສົນທະນາ, ຊາວໜຸ່ມຈີນແລະອາຟຣິກາໄດ້ດຳເນີນການແລກປ່ຽນຄວາມຄິດຄວາມເຫັນຢ່າງເລິກເຊິ່ງໂດຍປິ່ນອ້ອມຫົວຂໍ້ຕ່າງໆ, ເຊັ່ນ: “ມຸມມອງຂອງຊາວໜຸ່ມ: ສ້າງປັດໄຈວັດທະນະທຳແຫ່ງການສ້າງປະຊາຄົມຮ່ວມຊາຕາກຳຂອງມວນມະນຸດ”, “ວິໄສທັດຂອງຊາວໜຸ່ມ: ຄວາມໝາຍສຳລັບທົ່ວໂລກຂອງຄວາມທັນສະໄໝແບບຈີນ”, “ການເຄື່ອນໄຫວຂອງຊາວໜຸ່ມ: ພຶດຕິກຳຕົວຈິງແຫ່ງການປະຕິບັດຂໍ້ລິເລີ່ມການພັດທະນາທົ່ວໂລກ” ແລະອື່ນໆ.