ພາສາລາວ

ບັນຫາຕ່າງໆໃນທຸກຄອບຄົວຂອງຄົນຈີນມີຫຍັງແດ່?

cri2022-01-06 17:12:23
Share
Share this with Close
Messenger Pinterest LinkedIn

ໃນປີ 2021 ທີ່ຜ່ານມາ, ປະຊາຊົນຈີນໄດ້ດຳລົງຊີວິດແນວໃດ, ຍັງມີບັນຫາຫຍັງຄ້າງຄາໃຈແດ່? ບໍ່ວ່າໄປຮອດໃສ, ທ່ານ ສີຈິ້ນຜິງ ປະທານປະເທດຈີນກໍ່ຍັງເປັນຫ່ວງເປັນໃຍປະຊາຊົນຢູ່ສະເໝີ. ເພິ່ນເວົ້າວ່າ: “ບໍ່ວ່າໄປຮອດໃສ ສະພາບສອງຢ່າງທີ່ຂ້າພະເຈົ້າຕ້ອງສຳຫຼວດເບິ່ງນັ້ນກໍ່ຄື ໜຶ່ງແມ່ນຊົນນະບົດ ແລະ ອີກອັນໜຶ່ງແມ່ນເຂດຊຸມຊົນ ເພື່ອເບິ່ງວ່າປະຊາຊົນພວກເຮົາດຳລົງຊີວິດຄືແນວໃດ.” “ເພາະວ່າ ການເຮັດໃຫ້ປະຊາຊົນດຳລົງຊີວິດດ້ວຍຄວາມຜາສຸກນັ້ນ ເປັນເລື່ອງໃຫຍ່ກວ່າໝູ່ຂອງຊາດ.”

ການສຶກສາ

ໃນປີ 2021 ທີ່ຜ່ານມາ, ໂດຍແນໃສ່ບັນຫາ “ນັກຮຽນປະຖົມ ແລະ ມັດທະຍົມຂອງຈີນມີພາລະການຮຽນໜັກໂພດ” ທີ່ເປັນໜຶ່ງໃນບັນຫາທີ່ພົ້ນເດັ່ນກວ່າໝູ່ໃນດ້ານການສຶກສາພາກບັງຄັບຂອງຈີນ, ທ່ານ ສີຈິ້ນຜິງ ໄດ້ກ່າວເນັ້ນໜັກວ່າ: “ຕ້ອງຜັນຂະຫຍາຍທິດທາງການສຶກສາຂອງພັກຢ່າງຮອບດ້ານ, ຈັດຕັ້ງປະຕິບັດໜ້າທີ່ໃຫ້ເຖິງກົກເຖິງຮາກໃນການສຶກສານັກຮຽນໃຫ້ມີສິນທຳ, ຍຶດໝັ້ນຫຼັກການແບບສາທາລະນະປະໂຫຍດຂອງການສຶກສາ, ລົງເລິກການປະຕິຮູບດ້ານການສຶກສາ, ເຮັດວຽກການສຶກສາໃຫ້ປະຊາຊົນພໍໃຈ.” ດັ່ງນັ້ນ ລັດຖະບານຈີນຈຶ່ງໄດ້ປະກາດນະໂຍບາຍທີ່ ຫຼຸດຜ່ອນພາລະດ້ານວຽກບ້ານ ແລະ ການຮຽນຢູ່ນອກໂຮງຮຽນຂອງນັກຮຽນໃນຂັ້ນການສຶກສາພາກບັງຄັບນັ້ນໃຫ້ເບົາລົງ, ໂດຍເອີ້ນຫຍໍ້ວ່າ “ນະໂຍບາຍຫຼຸດຜ່ອນ 2 ດ້ານ”.

ຂະນະດຽວກັນ, ຢູ່ໂຮງຮຽນຕ່າງໆໃນລະດັບການສຶກສາພາກບັງຄັບຂອງຈີນໃນປີ 2021 ໄດ້ເປີດການບໍລິການຫຼັງເລີກຮຽນຢ່າງທົ່ວເຖິງໂດຍພື້ນຖານ. ອັດຕາສ່ວນຂອງນັກຮຽນທີ່ສະໝັກເຂົ້າຮ່ວມການບໍລິການຫຼັງເລີກຮຽນ ໄດ້ເພີ່ມຂຶ້ນຈາກ 49,1% ໃນສົກຮຽນຕົ້ນປີ 2021 ເປັນ 91,9% ໃນປັດຈຸບັນ.

ການປິ່ວປົວ ແລະ ສາທາລະນະສຸກ

ປີ 2021, ສະພາບການແຜ່ລະບາດຂອງພະຍາດໂຄວິດ-19 ໄດ້ຂຶ້ນໆລົງໆ, ມີໄວຣັດກາຍພັນໃໝ່ປາກົດອອກມາເລື້ອຍໆ, ສະພາບການປ້ອງກັນ ແລະ ຄວບຄຸມພະຍາດ ຍິ່ງເຂັ້ມຂຸ້ນກວ່າເກົ່າ. ທ່ານປະທານ ສີຈິ້ນຜິງ ໄດ້ບັນຊາ, ຊີ້ນຳ ແລະ ຈັດວາງວຽກງານປ້ອງກັນ ແລະຄວບຄຸມພະຍາດໂຄວິດ-19 ດ້ວຍຕົນເອງ ເຊິ່ງໄດ້ກຳນົດຍຸດທະວິທີລວມ ຄື: “ປ້ອງກັນການແຜ່ລະບາດມາຈາກຕ່າງປະເທດ, ປ້ອງກັນການແຜ່ລະບາດຄືນຢູ່ພາຍໃນປະເທດ” ແລະທິດທາງລວມ ຄື: “ປິ່ນປົວ ແລະ ຄວບຄຸມບໍ່ໃຫ້ມີຜູ້ຕິດເຊື້ອແມ່ນແຕ່ກໍລະນີດຽວ.” ດັ່ງນັ້ນ, ທຸກຄັ້ງທີ່ເກີດການລະບາດ ຈຶ່ງໄດ້ຮັບປະສິດທິຜົນສູງທີ່ສຸດ ດ້ວຍຕົ້ນທຶນໜ້ອຍທີ່ສຸດ.

12全文 2 下一页

Share this story on

Messenger Pinterest LinkedIn