ທ່ານທອງລຸນສີສຸລິດຕ້ອນຮັບລັດຖະມົນຕີປ້ອງກັນປະເທດຈີນ
ວັນທີ 22 ພະຈິກນີ້,ຢູ່ທີ່ນະຄອນຫຼວງວຽງຈັນ, ທ່ານທອງລຸນສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດລາວໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຕົງຈວິ່ນ ລັດຖະມົນຕີກະຊວງປ້ອງກັນປະເທດຈີນທີ່ເດີນທາງໄປຢ້ຽມຢາມປະເທດລາວ.
ໃນໂອກາດນີ້, ທ່ານທອງລຸນສີສຸລິດ ໄດ້ຝາກຄວາມຢື້ຢາມຖາມຂ່າວຢ່າງຈິງໃຈແລະພອນໄຊອັນປະເສີດເຖິງທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນໂດຍຜ່ານທ່ານຕົງຈວິ່ນ. ເພິ່ນກ່າວວ່າ: ມິດຕະພາບລາວ-ຈີນມີຄວາມໝັ້ນຄົງໂດຍບໍ່ສາມາດຕັດແຍກອອກຈາກກັນໄດ້, ສອງກອງທັບລາວ-ຈີນຄວນສືບຕໍ່ເພີ່ມທະວີການແລກປ່ຽນທາງດ້ານຍຸດທະສາດ, ລົງເລິກການຮ່ວມມືຕົວຈິງໃນຂົງເຂດຕ່າງໆຢ່າງບໍ່ຢຸດຢັ້ງ.
ທ່ານຕົງຈວິ່ນໄດ້ຝາກຄວາມຢື້ຢາມຖາມຂ່າວອັນສະໜິດສະໜົມແລະພອນໄຊອັນປະເສີດຈາກທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນເຖິງທ່ານທອງລຸນສີສຸລິດ. ທ່ານຕົງຈວິ່ນກ່າວວ່າ: ຈີນຍິນດີຮ່ວມກັບລາວຖືເອົາຄວາມເຫັນທີ່ເປັນເອກະພາບກັນອັນສຳຄັນທີ່ຜູ້ນຳສອງພັກສອງລັດໄດ້ຕົກລົງຮ່ວມກັນນັ້ນເປັນທິດຊີ້ນຳ, ລົງເລິກການຮ່ວມມືຕົວຈິງລະຫວ່າງສອງກອງທັບຢ່າງບໍ່ຢຸດຢັ້ງ, ຊຸກຍູ້ສາຍພົວພັນລະຫວ່າງສອງກອງທັບໃຫ້ຂະຫຍາຍຕົວເຂົ້າສູ່ລວງເລິກ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ
ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15
10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ
ທ່ານສີຈິ້ນຜິງ ກ່າວວ່າ: ຂະບວນການລຶບລ້າງຄວາມທຸກຍາກຂອງຈີນສະແດງໃຫ້ເຫັນວ່າ, ບັນຫາທຸກຍາກຂອງປະເທດພວມພັດທະນາແມ່ນສາມາດແກ້ໄຂໄດ້
ວິສາຫະກິດຕ່າງປະເທດທີ່ເຂົ້າຮ່ວມCIIE ເປັນສັກຂີພິຍານ ແລະ ຜູ້ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງຈີນ
ການສຳພາດປະທານາທິບໍດີແຟງລັງ
ກ່ຽວກັບ laos.cri.cn |ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG|ການບໍລິການດ້ານການໂຄສະນາຂາຍສິນຄ້າ|ຕິດຕໍ່ພວກເຮົາ|ສະຫງວນລິຂະສິດ
Copyright © cri.cn All Rights Reserved