ສະຖານທູດຈີນປະຈຳຟິລິບປິນສະແດງຫຼັກໝັ້ນຂອງຈີນຕໍ່ຟິລິບປິນກ່ຽວກັບການກຳນົດແລະປະກາດເສັ້ນພື້ນຖານຢູ່ນ່ານທະເລເກາະຮວງຢຽນ

ວັນທີ 13 ພະຈິກນີ້, ທ່ານຮວງຊີ່ລຽນ ເອກອັກຄະລັດຖະທູດຈີນປະຈຳຟິລິບປິນໄດ້ຕໍ່ວ່າທັກທ້ວງຢ່າງເຄັ່ງຂຶມຕໍ່ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຕ່າງປະເທດຟິລິບປິນກໍລະນີທີ່ຟິລິບປິນໄດ້ລົງນາມໃນ “ກົດໝາຍຂອບເຂດທະເລ” ແລະ “ກົດໝາຍເສັ້ນເດີນເຮືອຢູ່ໝູ່ເກາະ” ພ້ອມທັງສະແດງຫຼັກໝັ້ນທີ່ຈີນກຳນົດແລະປະກາດເສັ້ນພື້ນຖານຢູ່ນ່ານທະເລເກາະຮວງຢຽນ ໂດຍເນັ້ນໜັກວ່າ: ສິ່ງນີ້ເປັນການຕອບໂຕ້ອັນຈຳເປັນຕໍ່ກົດໝາຍວ່າດ້ວຍຂອບເຂດທະເລດັ່ງກ່າວຂອງຟິລິບປິນ, ແມ່ນມາດຕະການປົກກະຕິຂອງລັດຖະບານຈີນໃນການເພີ່ມທະວີການຄຸ້ມຄອງທະເລຕາມກົດໝາຍ, ສອດຄ່ອງກັບກົດໝາຍສາກົນແລະປະເພນີປະຕິບັດຂອງສາກົນ. ຈີນຈະສືບຕໍ່ນຳໃຊ້ມາດຕະການທີ່ຈຳເປັນຕາມກົດໝາຍ ເພື່ອປົກປັກຮັກສາອະທິປະໄຕຜືນແຜ່ນດິນ ແລະ ສິດຜົນປະໂຫຍດທາງທະເລຂອງຕົນ. ພວກຂ້າພະເຈົ້າເຕືອນໃຫ້ຟິລິບປິນຈົ່ງຍຸດຕິທັນທີການກະທຳພຽງລຳພັງແຕ່ຝ່າຍດຽວ ທີ່ອາດຈະເຮັດໃຫ້ຂໍ້ຂັດແຍ້ງຂະຫຍາຍວົງກວ້າງອອກໄປ ແລະ ເຮັດໃຫ້ສະຖານະການສັບສົນຂຶ້ນຕື່ມອີກ, ປົກປັກຮັກສາສັນຕິພາບແລະສະຖຽນລະພາບຢູ່ທະເລຈີນໃຕ້.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຕົວຢ່າງດິນດວງຈັນທີ່ເກັບໄດ້ດ້ວຍຍານສຳຫຼວດຊາງເອ 6 ສະແດງຢູ່ງານວາງສະແດງການບິນ ແລະ ການບິນອະວະກາດສາກົນຈີນ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15