ທ່ານ ລິວຈ້ຽນຊ່າວ ພົບປະກັບຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ

ວັນທີ 12 ພະຈິກນີ້, ທ່ານ ລິວຈ້ຽນຊ່າວ ຫົວໜ້າຄະນະພົວພັນຕ່າງປະເທດສູນກາງພັກຄອມມູນິດຈີນໄດ້ພົບປະກັບທ່ານ ທອງສະຫວັນ ພົມວິຫານ ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ຢູ່ນະຄອນຫຼວງປັກກິ່ງຂອງຈີນ.

ທ່ານ ລິວຈ້ຽນຊ່າວ ກ່າວວ່າ: ໂດຍຜະເຊີນໜ້າກັບສະພາບການສາກົນທີ່ສະຫຼັບຊັບຊ້ອນ ແລະ ໜ້າທີ່ເປົ້າໝາຍດ້ານການພັດທະນາ ແລະ ປະຕິຮູບຂອງໃຜຂອງລາວ, ຈີນຍິນດີຮ່ວມກັບລາວຊຸກຍູ້ໃຫ້ສາຍພົວພັນຈີນ-ລາວໄດ້ຮັບການພັດທະນາຫຼາຍກວ່າເກົ່າ. ສອງຝ່າຍຕ້ອງສ້າງໂຄງການໃຫຍ່ຕ່າງໆເປັນຢ່າງດີ ແລະ ສ້າງໃຫ້ເຂັ້ມແຂງ ເຊັ່ນ: ທາງລົດໄຟຈີນ-ລາວເປັນຕົ້ນ, ຊຸກຍູ້ການຮ່ວມມືໃນຂົງເຂດບໍ່ແຮ່ ແລະ ຜະລິດຕະພັນກະສິກຳເປັນຕົ້ນ, ຮັດແໜ້ນການປະສານງານ ແລະ ປະສານສົມທົບຜ່ານກົນໄກຫຼາຍຝ່າຍ ເຊັ່ນ: ການຮ່ວມມືອາຊີຕາເວັນອອກ, ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ການຮ່ວມມືຈີນ-ອາຊຽນ ແລະອື່ນໆ, ຮ່ວມກັນປົກປັກຮັກສາສັນຕິພາບ ແລະ ສະຖຽນລະພາບໃນພາກພື້ນ.

ທ່ານ ທອງສະຫວັນ ພົມວິຫານ ກ່າວວ່າ: ປີນີ້ແມ່ນປີເລີ່ມຕົ້ນຂອງແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ ສະບັບໃໝ່, ເຊື່ອໝັ້ນວ່າແຜນແມ່ບົດສະບັບນີ້ຈະໄດ້ຮັບການຈັດຕັ້ງປະຕິບັດເປັນຢ່າງດີ. ທາງລົດໄຟລາວ-ຈີນແມ່ນໂຄງການສັນຍະລັກຂອງການຮ່ວມມືສອງຝ່າຍ, ມີຄວາມໝາຍສຳຄັນຕໍ່ລາວ, ລາວຍິນດີເພີ່ມທະວີການຮ່ວມມືກັບຈີນ, ບໍລິຫານທາງລົດໄຟລາວ-ຈີນໃຫ້ດີ, ຍິນດີຕ້ອນຮັບວິສາຫະກິດຈີນໄປລົງທຶນ ແລະ ດຳເນີນທຸລະກິດຢູ່ລາວ ຫຼາຍກວ່າເກົ່າ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ຈັດງານວາງສະແດງການບິນແລະການບິນອະວະກາດສາກົນຈີນຄັ້ງທີ 15