ຟິລິບປິນສ້າງອັນທີ່ເອີ້ນວ່າ ກົດໝາຍກ່ຽວກັບທະເລ ແມ່ນມີເຈຕະນາບໍ່ດີດ້ານການເມືອງ

ວັນທີ 8 ພະຈິກນີ້ ທ່ານເຟດິນານ ໂຣມົວເດັສ ມາຄອສ(Ferdinand Romualdez Marcos) ປະທານາທິບໍດີຟິລິບປິນໄດ້ລົງນາມປະກາດອັນທີ່ເອີ້ນວ່າ “ກົດໝາຍວ່າດ້ວຍຂອບເຂດທະເລ” ແລະ “ກົດໝາຍວ່າດ້ວຍທາງຜ່ານທະເລ”, ໂດຍຈັດເອົາເກາະຫວງເຢນ ຫາດຕື້ນສ່ວນຫຼາຍຢູ່ໝູເກາະນານຊ່າຈີນ ພ້ອມດ້ວຍເຂດທະເລທີ່ກ່ຽວຂ້ອງຂອງຈີນເຂົ້າໃນຂອບເຂດທະເລຂອງຟິລິບປິນຢ່າງຜິດກົດໝາຍ. ການກະທຳດັ່ງກ່າວຂອງຟິລິບປິນ ແມ່ນມີເຈຕະນາ ເຮັດໃຫ້ຄຳຕັດສິນທີ່ຜິດກົດໝາຍໃນຄະດີກ່ຽວກັບບັນທະເລຈີນໃຕ້ນັ້ນເປັນຮູບປະທຳຕົວຈິງ ໂດຍຜ່ານການສ້າງກົດໝາຍພາຍໃນປະເທດຂຶ້ນມາ, ຍິ່ງເປັນ “ກົນອຸບາຍເລິກແລບ”ທາງການເມືອງຂອງລັດຖະບານຟິລິບປິນຊຸດນີ້ໃນສະພາບເບື້ອງຫຼັງແຫ່ງຍຸດທະສາດຄວາມໝັ້ນຄົງ ແລະ ນະໂຍບາຍການຕ່າງປະເທດສະບັບໃໝ່.

ເຖິງວ່າຟິລິບປິນມີກົນອຸບາຍເລິກແລບປານໃດກໍຕາມ, ກໍເປັນເລື່ອງຍາກທີ່ຈະສາມາດສົມຫວັງໄດ້. ເພາະວ່າ ອັນທີ່ເອີ້ນວ່າ ກົດໝາຍ 2 ສະບັບນີ້ ແມ່ນໄດ້ລ່ວງລ້ຳອະທິປະໄຕ ແລະ ສິດຜົນປະໂຫຍດທາງທະເລຂອງຈີນຢູ່ທະເລຈີນໃຕ້ຢ່າງໜັກໜ່ວງ, ທັງໄດ້ຝ່າຝືນຫຼັກການສຳຄັນ ທີ່ “ແກ້ໄຂຄວາມເຫັນທີ່ຂັດແຍ້ງກັນໂດຍຜ່ານການສົນທະນາ ແລະ ການເປິກສາຫາລືກັນ” ເຊິ່ງລະບຸໄວ້ໃນ “ຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຈີນໃຕ້”, ເປັນການທຳລາຍລະບົບກົດໝາຍສາກົນທີ່ມີຢູ່ໃນປັດຈຸບັນ, ຈຶ່ງເປັນການຜິດກົດໝາຍ ແລະ ບໍ່ມີຜົນສັກສິດ.

ທະເລຈີນໃຕ້ຄວນເປັນທະເລແຫ່ງສັນຕິພາບ ມິດຕະພາບ ແລະ ການຮ່ວມມື. ແຕ່ວ່າ ການກະທຳຂອງຟິລິບປິນໄດ້ຝືນກັບຄວາມປາດຖະໜາຮ່ວມດັ່ງກ່າວຂອງປະຊາຊົນຢູ່ໃນພາກພື້ນນີ້, ແລະກາຍເປັນຜູ້ທຳລາຍສັນຕິພາບ ແລະ ສະຖຽນລະພາບຂອງພາກພື້ນ. ຝ່າຍຈີນຂໍເຕືອນໃຫ້ຟິລິບປິນຢ່າງເຄັ່ງຂຶມວ່າ ຕ້ອງຍຸດຕິການກະທຳທີ່ລ່ວງລ້ຳອະທິປະໄຕ ແລະ ສິດຜົນປະໂຫຍດທາງທະເລຂອງຈີນໃນທັນທີ, ຍຸດຕິທຸກການກະທຳພຽງລຳພັງແຕ່ຝ່າຍດຽວທີ່ອາດຈະເຮັດໃຫ້ຄວາມເຫັນຂັດແຍ້ງກັນກ່ຽວກັບທະເລຈີນໃຕ້ຂະຫຍາຍວົງກວ້າງອອກໄປ ແລະ ເຮັດໃຫ້ສະພາບກັນສັບສົນຂຶ້ນນັ້ນໃນທັນທີ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

10,000 ຕື້ຢວນ! ຄວາມກົດດັນໃນບັນຫາໜີ້ສິນຂອງອົງການປົກຄອງທ້ອງຖິ່ນຈີນຈະຜ່ອນຄາຍລົງຫຼາຍ