ທ່ານ ຫຼີສຽງ ພົບປະກັບນາຍົກລັດຖະມົນຕີມາເລເຊຍ

cri2024-11-06 16:54:39

ຕອນບ່າຍວັນທີ 5 ພະຈິກນີ້, ທ່ານ ຫຼີສຽງ ນາຍົກລັດຖະມົນຕີຈີນໄດ້ພົບປະກັບທ່ານ ອັນວາ ບິນ ອິບຣາຮີມ ນາຍົກລັດຖະມົນຕີມາເລເຊຍທີ່ມາເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ຢູ່ນະຄອນຊຽງໄຮ້ຂອງຈີນ.

ທ່ານ ຫຼີສຽງ ຊີ້ໃຫ້ເຫັນວ່າ: ຈີນຍິນດີຮ່ວມກັບມາເລເຊຍຊຸກຍູ້ການແລກປ່ຽນແລະຖອດຖອນບົດຮຽນດ້ານອະລິຍະທຳຢ່າງຕໍ່ເນື່ອງ,ສືບຕໍ່ເພີ່ມທະວີການຮ່ວມມືດ້ານການສຶກສາ,ຊຸກຍູ້ໃຫ້ຂັ້ນຕອນການອອກວີຊາເປັນແບບກະທັດຮັດ,ຂຸດຄົ້ນກຳລັງແຮງບົ່ມຊ້ອນດ້ານການຮ່ວມມືໃນຂົງເຂດຈະເລີນໃໝ່,ເປີດກວ້າງຊ່ອງທາງໃໝ່ຂອງການຮ່ວມມືຢ່າງບໍ່ຢຸດຢັ້ງ,ຊຸກຍູ້ການພົວພັນລະຫວ່າງສອງຝ່າຍໃຫ້ຢືນຢູ່ແຖວໜ້າຂອງບັນດາປະເທດໃນພາກພື້ນຢ່າງຕໍ່ເນື່ອງ,ຮ່ວມກັນບັນລຸການພັດທະນາແລະຄວາມຈະເລີນຂອງສອງປະເທດ.

ທ່ານ ອັນວາ ບິນ ອິບຣາຮີມ ກ່າວວ່າ: ມາເລເຊຍຍິນດີເພີ່ມທະວີການໄປມາຫາສູ່ກັນຂອງການນຳຂັ້ນສູງກັບຈີນ,ລົງເລິກການຮ່ວມມືດ້ານການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ເປີດກວ້າງການຮ່ວມມືໃນຂົງເຂດຕ່າງໆເຊັ່ນ: ການຄ້າ,ການລົງທຶນ,ໂທລະຄົມແລະອື່ນໆ, ຮັດແໜ້ນການແລກປ່ຽນດ້ານວັດທະນະທຳ.

.md_Laos_page01 .md_hd{width:300px;}

ຄໍລຳ