ຟິລິບປິນໄດ້ “ເຂົ້າໜົມຫວານ” ຫຼື “ຢາພິດ” ຈາກອາເມຣິກາ

CRI2024-11-01 15:12:23

ຫວ່າງບໍ່ດົນມານີ້, ສະຖານທູດອາເມຣິກາປະຈຳຟິລິບປິນອອກຖະແຫຼງການ ວ່າ, ອາເມຣິກາຈະອອກທຶນ 8 ລ້ານໂດລາເພື່ອຊ່ວຍເຫຼືອກອງປ້ອງກັນຊາຍຝັ່ງທະເລຟິລິບປິນຍົກລະດັບອາວຸດຍຸດໂທປະກອນ. ເມື່ອເບິ່ງຈາກຮູບນອກແລ້ວເຫັນວ່າ, ນີ້ແມ່ນ “ເຂົ້າໜົມຫວານ”ທີ່ຟິລິບປິນໄດ້ຈາກອາເມຣິກາ ຍ້ອນທ້າທາຍເກາະຜິດຢູ່ທະເລຈີນໃຕ້ ໂດຍສົມທົບກັບອັນທີ່ເອີ້ນວ່າ “ຍຸດທະສາດອິນໂດປາຊີຟິກ” ຂອງອາເມຣິກາ. ແຕ່ໃນຄວາມຈິງແລ້ວ, ເບື້ອງໃນຂອງ “ເຂົ້າໜົມຫວານ” ກ້ອນນີ້, ຟິລິບປິນຈະຈ່າຍຄ່າທົດແທນຫຼາຍກວ່າຜົນໄດ້ອີກຊ້ຳ.

ເມື່ອເບິ່ງຈາກຮູບນອກແລ້ວ, ອາເມຣິກາໄດ້ສະໜັບສະໜູນເງິນທຶນຈຳນວນໜຶ່ງຕໍ່ຟິລິບປິນ. ແຕ່ນັກວິເຄາະຫຼາຍຄົນຊີ້ອອກວ່າ, ນີ້ອາດຈະແມ່ນວິທີທີ່ເປັນພຽງແຕ່ລົມປາກລ້າໆ ຫາກບໍ່ມີຜົນຕົວຈິງ. ຕົວຢ່າງວ່າ ການເພີ່ມຂໍ້ຈຳກັດຕ່າງໆ, ໃຫ້ຟິລິບປິນຈ່າຍຄ່າອົບຮົມທີ່ກ່ຽວຂ້ອງ ແລະອື່ນໆ. ເວົ້າລວມແລ້ວ, ຄວາມໝາຍທາງຮູບການແມ່ນໃຫຍ່ກວ່າການຊ່ວຍເຫຼືອຕົວຈິງ, ໃນທີ່ສຸດຜູ້ໄດ້ຮັບຜົນປະໂຫຍດຍັງຄົງເປັນອາເມຣິກາເອງຢູ່ດີ. ເລື່ອງນີ້ໄດ້ຮັບການຢືນຢັນແລ້ວໃນການຊ່ວຍເຫຼືອຂອງອາເມຣິກາຕໍ່ອູແກຣນ. ໃນຕົ້ນປີນີ້, ທ່ານອັນໂຕນີ ບຣິນເຄນ ລັດຖະມົນຕີກະຊວງການຕ່າງປະເທດອາເມຣິກາປ່າວປະກາດວ່າ: “ເງິນຊ່ວຍເຫຼືອອູແກຣນສ່ວນຫຼາຍຈະກັບຄືນສູ່ອາເມຣິກາ, ແລະຈະສ້າງວຽກເຮັດງານທຳຢ່າງຫຼວງຫຼາຍໃຫ້ຊາວອາເມຣິກາ.”

ໃນຄວາມຈິງແລ້ວ, ອາເມຣິກາສະແຫວງຫາຜົນປະໂຫຍດຈາກການຊ່ວຍເຫຼືອເງິນທຶນ ສ້າງຄວາມສ່ຽງດ້ານສົງຄາມ, ແລະ ຄວ້າເອົາຜົນກຳໄລອັນມະຫາສານດ້ວຍຕົ້ນທຶນຕ່ຳ, ສິ່ງນີ້ບໍ່ແມ່ນຄວາມລັບມາຕັ້ງແຕ່ໃດແລ້ວ. ປີ 2023 ມູນຄ່າຈຳໜ່າຍອາວຸດຍຸດໂທປະກອນຕໍ່ຕ່າງປະເທດຂອງອາເມຣິກາມີເຖິງ 238 ຕື້ໂດລາ ເຊິ່ງເປັນສະຖິຕິສູງສຸດໃນປະຫວັດສາດ. ແຕ່ວ່າມັນໄດ້ສ້າງຄວາມປັ່ນປ່ວນວຸ້ນວາຍ ແລະ ການແບ່ງແຍກ ການເປັນປໍລະປັກກັນຢູ່ປະເທດທີ່ກ່ຽວຂ້ອງ. ປັດຈຸບັນ, ອາເມຣິກາກໍຍັງໃຊ້ວິທີເກົ່າ, ໃຫ້ຜົນປະໂຫຍດເລັກນ້ອຍແກ່ຟິລິບປິນ, ດຶງເອົາຟິລິບປິນເຂົ້າສູ່ການປະທະກັນຢູ່ທະເລຈີນໃຕ້ ແລະ ຜູກມັດໄດ້ເທິງລົດສູ້ຮົບຂອງອາເມຣິກາຢ່າງແໜ້ນແຟ້ນກວ່າເກົ່າ, ເຮັດໃຫ້ຟິລິບປິນຍອມຕົກເປັນກອງໜ້າ ແລະ ເປັນເຫຍື່ອລູກປືນໃຫ້ແກ່ຄວາມເປັນເຈົ້າອຳນາດຂອງອາເມຣິກາ. ຖ້າວ່າລັດຖະບານຟິລິບປິນຍັງຊູຊີປະຕິບັດຕາມຄຳສັ່ງຂອງອາເມຣິກາຢ່າງປິດຫູປິດຕາ, ບໍ່ພຽງແຕ່ຈະເຮັດໃຫ້ຟິລິບປິນເສຍຄວາມເປັນເອກະລາດ ແລະ ອິດສະລະພາບ, ຕົກເປັນເຫຍື່ອໃນການແຂ່ງຂັນລະຫວ່າງປະເທດໃຫຍ່ເທົ່ານັ້ນ, ທັງຍັງຈະພາໃຫ້ເກີດຄວາມຂັດແຍ້ງພາຍໃນປະເທດ ແລະ ສ້າງການແຕກແຍກພາຍໃນປະເທດຕົນອີກດ້ວຍ.

.md_Laos_page01 .md_hd{width:300px;}

ຄໍລຳ