ສະຫະພັນອຸດສາຫະກຳການຄ້າສິງກະໂປ: ງານວາງສະແດງສິນຄ້ານຳເຂົ້າສາກົນຈີນຊ່ວຍໃຫ້ວິສາຫະກິດສິງກະໂປເປີດກວ້າງໂອກາດດ້ານການຄ້າຢູ່ຈີນ

cri2024-10-23 16:32:53

ຫວ່າງບໍ່ດົນມານີ້, ສະຫະພັນອຸດສາຫະກຳການຄ້າສິງກະໂປແຈ້ງໃຫ້ຮູ້ວ່າ: ຈະນຳພາຄະນະເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ພາຍໃຕ້ຫົວຂໍ້ຕົ້ນຕໍ “ສິງກະໂປແລະຈີນປະສານງານກັນ ພ້ອມກັນກ້າວເດີນໄປໜ້າດ້ວຍຄຸນນະພາບສູງ” ໂດຍໄດ້ເຊື້ອເຊີນຜູ້ແທນຈາກວິສາຫະກິດສິງກະໂປ 44 ແຫ່ງເກືອບ 400 ຄົນເຂົ້າຮ່ວມ.

ຕາມສະຫະພັນອຸດສາຫະກຳການຄ້າສິງກະໂປແນະນຳໃຫ້ຮູ້ວ່າ: ການດຳເນີນທຸລະກິດຂອງວິສາຫະກິດສິງກະໂປຢູ່ຈີນໄດ້ຮັກສາຄວາມໝັ້ນທ່ຽງ ໂດຍສະເພາະແມ່ນຈີນໄດ້ໃຊ້ມາດຕະການຕ່າງໆເພື່ອກະຕຸ້ນເສດຖະກິດແລະດຶງດູດການລົງທຶນຂອງຕ່າງປະເທດຢ່າງຕໍ່ເນື່ອງ,ໄດ້ກະຕຸ້ນຄວາມຫ້າວຫັນຂອງວິສາຫະກິດສິງກະໂປໃນການເຂົ້າຮ່ວມງານວາງສະແດງຕື່ມອີກ. ອົງການດັ່ງກ່າວຍັງແຈ້ງໃຫ້ຮູ້ຕື່ມວ່າ: ງານວາງສະແດງສິນຄ້ານຳເຂົ້າສາກົນຈີນແມ່ນເວທີການຄ້າຫຼາຍຝ່າຍສຳຄັນທີ່ສຸດແຫ່ງໜຶ່ງ,ບໍ່ພຽງແຕ່ສາມາດສະໜອງໂອກາດດ້ານການດຳເນີນທຸລະກິດໃຫ້ແກ່ວິສາຫະກິດສິງກະໂປເທົ່ານັ້ນ,ຫາກຍັງສາມາດຊ່ວຍໃຫ້ວິສາຫະກິດເຫຼົ່ານີ້ເຂົ້າສູ່ຕະຫຼາດທີ່ເປັນເປົ້າໝາຍພ້ອມທັງເປີດກວ້າງໂອກາດດ້ານການຄ້າຢູ່ຈີນຕື່ມອີກ.

ງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ຈະຈັດຂຶ້ນຢູ່ນະຄອນຊຽງໄຮຂອງຈີນລະຫວ່າງວັນທີ 5 ຫາ 10 ພະຈິກໜ້ານີ້.

.md_Laos_page01 .md_hd{width:300px;}

ຄໍລຳ