ໂຄສົກກົມຕຳຫຼວດທະເລຈີນມີຄຳເຫັນກ່ຽວກັບເລື່ອງທີ່ຟີລິບປິນແລ່ນເຮືອເຂົ້າໃກ້ກັບເຂດທະເລຫາດຮວງຢຽນຂອງຈີນ

ທ່ານຫຼິວເຕີຈູນ ໂຄສົກກົມຕຳຫຼວດທະເລຈີນກ່າວວ່າ: ວັນທີ 8 ຕຸລານີ້, ໂດຍບໍ່ໄດ້ຮັບການອະນຸຍາດຈາກລັດຖະບານຈີນ, ເຮືອເລກ3001ແລະ3002ຂອງຟີລິບປີນໄດ້ແລ່ນເຮືອເຂົ້າໄປໃນເຂດທະເລຫາດຮວງຢຽນຂອງຈີນຕາມລຳພັງໃຈ. ກຳປັ່ນຕຳຫຼວດທະເລຈີນໄດ້ຕິດຕາມສອດແນມຢູ່ຕະຫຼອດເວລາ, ແລະໄດ້ນຳໃຊ້ມາດຕະການຄວບຄຸມໂດຍອີງໃສ່ກົດໝາຍ, ການປະຕິບັດກົດໝາຍກັບທີ່ເປັນແບບມີອາຊີບແລະເປັນລະບຽບ, ຊອບທຳແລະຖືກຕ້ອງຕາມກົດໝາຍ. ຈີນມີອະທິປະໄຕທີ່ໂຕ້ຖຽງບໍ່ໄດ້ຕໍ່ຫາດຮວງຢຽນແລະເຂດທະເລຢູ່ບໍລິເວນໃກ້ຄຽງ, ມີສິດອະທິປະໄຕແລະສິດຄຸ້ມຄອງຕໍ່ເຂດທະເລທີ່ກ່ຽວຂ້ອງ. ພວກເຮົາເຕືອນໃຫ້ຟີລິບປີນຈົ່ງຍຸດຕິການກະທຳທີ່ລ່ວງລ້ຳສິດໃນທັນທີ. ຕຳຫຼວດທະເລຈີນຈະສືບຕໍ່ດຳເນີນການເຄື່ອນໄຫວປົກປ້ອງສິດແລະປະຕິບັດກົດໝາຍຢູ່ເຂດທະເລທີ່ໄດ້ຮັບການຄຸ້ມຄອງໂດຍຈີນ, ເດັດດ່ຽວປົກປັກຮັກສາອະທິປະໄຕບົນຜືນແຜ່ນດິນຈີນແລະສິດຜົນປະໂຫຍດທາງທະເລຂອງຈີນ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ເຂດບໍລິຫານພິເສດມາກາວຂອງຈີນສະເຫຼີມສະຫຼອງ ສປ ຈີນສະຖາປະນາຂຶ້ນຄົບຮອບ 75 ປີ