ຜູ້ໂດຍສານຂອງຂະບວນລົດໄຟໂດຍສານສາກົນຕາມທາງລົດໄຟຈີນ-ລາວມີຫຼາຍກວ່າ 100 ປະເທດ ແລະ ເຂດແຄວ້ນ

ອີງຕາມຕົວເລກຂໍ້ມູນຈາກດ່ານກວດກາ ແລະ ຄຸ້ມຄອງຄົນເຂົ້າ-ອອກເມືອງຕາມຊາຍແດນບໍ່ຫານຈີນແຈ້ງໃຫ້ຮູ້ໃນວັນທີ 25 ກັນຍານີ້ວ່າ: ພາຍຫຼັງຜູ້ໂດຍສານອູກັນດາຄົນໜຶ່ງໄດ້ຂີ່ຂະບວນລົດໄຟໂດຍສານສາກົນຂອງທາງລົດໄຟຈີນ-ລາວອອກເມືອງຜ່ານດ່ານທາງລົດໄຟບໍ່ຫານຕາມຊາຍແດນຈີນ-ລາວໃນວັນທີ 23 ກັນຍານີ້, ເຮັດໃຫ້ຜູ້ໂດຍສານເຂົ້າ-ອອກເມືອງຜ່ານຂະບວນລົດໄຟໂດຍສານສາກົນດັ່ງກ່າວມີຫຼາຍກວ່າ 100 ປະເທດ ແລະ ເຂດແຄວ້ນ.

ອີງຕາມຕົວເລກສະຖິຕິ, ນັບແຕ່ຂະບວນລົດໄຟໂດຍສານສາກົນຂອງທາງລົດໄຟຈີນ-ລາວໄດ້ເປີດບໍລິການຢ່າງເປັນທາງການເມື່ອວັນທີ 13 ເມສາ 2023 ເປັນຕົ້ນມາຮອດເວລາ 19 ໂມງຂອງວັນທີ 25 ກັນຍາ 2024, ດ່ານກວດກາ ແລະ ຄຸ້ມຄອງຄົນເຂົ້າ-ອອກເມືອງຕາມຊາຍແດນບໍ່ຫານຈີນໄດ້ກວດກາຂະບວນລົດໄຟໂດຍສານສາກົນຂອງທາງລົດໄຟຈີນ-ລາວຫຼາຍກວ່າ 1.260 ຖ້ຽວ, ໂດຍໄດ້ຮັບປະກັນໃຫ້ຜູ້ໂດຍສານຈາກ 101 ປະເທດ ແລະ ເຂດແຄວ້ນຈໍານວນ 282.000 ກວ່າເທືື່ອຄົນເຂົ້າ-ອອກເມືອງຢ່າງສະດວກ, ໃນນັ້ນ, ຜູ້ໂດຍສານສັນຊາດຕ່າງປະເທດມີຫຼາຍກວ່າ 44.000 ເທື່ອຄົນ, ກວມເອົາປະມານ 16% ຂອງຜູ້ໂດຍສານທັງໝົດ.

.md_Laos_page01 .md_hd{width:300px;}

ຄໍລຳ

ຮູບພາບ