ທ່ານທັກສິນ ຊິນນະວັດ ອະດີດນາຍົກໄທໄດ້ຮັບອະໄພຍະໂທດ ແລະ ຈະປ່ອຍຕົວໃນທັນທີ
ອີງຕາມພະລາຊະດີກາພະລາຊະທານອະໄພຍະໂທດຂອງໄທ ທີ່ປະກາດໃນວັນທີ 17 ສິງຫານີ້, ທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທໄດ້ຮັບພະລາຊະທານອະໄພຍະໂທດ ແລະ ຈະຖືກປ່ອຍຕົວໃນທັນທີ ໂດຍບໍ່ຕ້ອງລໍໃຫ້ຄົບກຳນົດໂທດໃນວັນທີ 31 ສິງຫານີ້.
ອີງຕາມສື່ມວນຊົນໄທລາຍງານໃຫ້ຮູ້ວ່າ ການພະລາຊະທານອະໄພຍະໂທດຄັ້ງນີ້ ມີນັກໂທດປະມານ 50.000 ຄົນຈະໄດ້ຮັບການປ່ອຍຕົວອອກຈາກຄຸກໃນທົ່ວປະເທດໄທ.
ແຕ່ຜ່ານມາບໍ່ດົນ, ລັດຖະມົນຕີກະຊວງຍຸຕິທຳຂອງໄທກ່າວ່າ: ການພະລາຊະທານອະໄພຍະໂທດຄັ້ງນີ້ ຈະກວມເອົານັກໂທດປະມານ 31.000 ຄົນ ເຊິ່ງບາງຄົນໄດ້ຮັບການຜ່ອນໂທດ, ບາງຄົນຖືກປ່ອຍຕົວກ່ອນກຳນົດ. ສ່ວນທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທທີ່ພວມປະຕິບັດໂທດຢູ່ນັ້ນ ກໍແມ່ນໜຶ່ງໃນຜູ້ທີ່ໄດ້ຮັບພະລາຊະທານອະໄພຍະໂທດ ແລະ ຈະຖືກປ່ອຍຕົວໃນທັນທີ.
.md_Laos_page01 .md_hd{width:300px;}
ຄໍລຳ
ຮູບພາບ
ວີດີໂອ
ນັກຮຽນຣັດເຊຍສຳຜັດກັບມົນສະເໜ່ທາງວັດທະນະທຳທີ່ເປັນມູນເຊື້ອຂອງຈີນ