ຜູ້ນຳມຽນມາຕ້ອນຮັບການເຂົ້າຢ້ຽມຄຳນັບຂອງທ່ານວາງຢີ້

cri2024-08-15 17:12:15

ວັນທີ 14 ສິງຫານີ້, ທ່ານມິນອ໋ອງລາຍ ຜູ້ນຳປະເທດມຽນມາໄດ້ຕ້ອນຮັບການເຂົ້າຢ້ຽມຄຳນັບຂອງທ່ານວາງຢີ້ ກຳມະການກົມການເມືອງສູນກາງພັກຄອມມູນິດຈີນ ລັດຖະມົນຕີກະຊວງການຕ່າງປະເທດຈີນຢູ່ນະຄອນຫຼວງເນປີດໍຂອງມຽນມາ.

ທ່ານມິນອ໋ອງລາຍກ່າວວ່າ: ມຽນມາໃຫ້ຄວາມສຳຄັນຢ່າງສູງຕໍ່ສາຍພົວພັນກັບຈີນ, ສຸມກຳລັງເຂົ້າໃນການພັດທະນາໄມຕີຈິດມິດຕະພາບລະຫວ່າງມຽນມາ ກັບຈີນ, ຍຶດໝັ້ນຫຼັກການປະເທດຈີນດຽວ, ຍິນດີເປັນປະເທດບ້ານໃກ້ເຮືອນຄຽງທີ່ໜ້າໄວ້ເນື້ອເຊື່ອໃຈຂອງຈີນຕະຫຼອດໄປ. ມຽນມາຂອບໃຈຈີນທີ່ເສີມຂະຫຍາຍບົດບາດລັກສະນະສ້າງສັນເຂົ້າໃນການຊຸກຍູ້ການເຈລະຈາໂດຍສັນຕິຢູ່ພາກເໜືອຂອງມຽນມາ, ຄອງຄອຍຈີນຈະສືບຕໍ່ສະໜັບສະໜູນມຽນມາໃນການປົກປັກຮັກສາຄວາມສະຫງົບຂອງປະເທດຕົນ ແລະ ບັນລຸຄວາມປອງດອງດ້ານການເມືອງ.

ທ່ານວາງຢີ້ກ່າວວ່າ: ຈີນເຄົາລົບນັບຖືມູນເຊື້ອດ້ານການເມືອງຂອງມຽນມາ ແລະ ມຽນມາເລືອກເສັ້ນທາງການພັດທະນາຕາມເງື່ອນໄຂສະພາບຕົວຈິງ ຂອງປະເທດຕົນ. ຈີນເດັດດ່ຽວສະໜັບສະໜູນມຽນມາບັນລຸຄວາມປອງດອງດ້ານການເມືອງໂດຍໄວ, ຊອກພົບເສັ້ນທາງແຫ່ງຄວາມສະຫງົບ ແລະ ຄວາມໝັ້ນຄົງທີ່ຖາວອນ. ຈີນຍິນດີຮ່ວມກັບມຽນມາລົງເລິກການຮ່ວມມືໃນບັນດາຂົງເຂດ, ເລັ່ງລັດຈັດຕັ້ງປະຕິບັດການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ແລະ ໂຄງການໃຫຍ່ຂອງແລວເສດຖະກິດຈີນ-ມຽນມາ, ຊຸກຍູ້ການສ້າງຄູ່ຮ່ວມຊາຕາກຳຈີນ-ມຽນມາປະສົບໃຫ້ໄດ້ຮັບຜົນງານທີ່ແທ້ຈິງຫຼາຍກວ່າເກົ່າ.

.md_Laos_page01 .md_hd{width:300px;}

ຄໍລຳ