ທ່ານຫວາງຢີ້ ພົບປະກັບລັດຖະມົນຕີການຕ່າງປະເທດຍີ່ປຸ່ນ

ວັນທີ 26 ກໍລະກົດນີ້ ທີ່ນະຄອນຫຼວງວຽງຈັນ, ທ່ານຫວາງຢີ້ ກຳມະການກົມການເມືອງສູນກາງພັກ ລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານນາງໂຢໂກ ກາມິກາວາ ລັດຖະມົນຕີການຕ່າງປະເທດຍີ່ປຸ່ນ.

ທ່ານຫວາງຢີ້ກ່າວວ່າ, 2 ປີຜ່ານມາ, ຈີນ-ຍີ່ປຸ່ນໄດ້ຮ່ວມກັນລະນຶກວັນຄົບຮອບ 50 ປີແຫ່ງການສ້າງສາຍພົວພັນທາງການທູດ, ແລະ ຈີນຍີ່ປຸ່ນເຊັນສົນທິສັນຍາສັນຕິພາບແລະມິດຕະພາບຄົບຮອບ 45 ປີ.

ເດືອນພະຈິກປີກາຍນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານຟູມິໂອ ກີຊີດາ(Fumio Kishida) ນາຍົກລັດຖະມົນຕີຍີ່ປຸ່ນຢູ່ນະຄອນຊັນຟຣານຊິສໂກອາເມລິກາ, ໄດ້ຢືນຢັນຄືນໃໝ່ກ່ຽວກັບການຊຸກຍູ້ສາຍພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ, ແລະບັນລຸຄວາມເຫັນດີເຫັນພ້ອມທີ່ສຳຄັນກ່ຽວກັບການສ້າງສາຍພົວພັນລະຫວ່າງຈີນ-ຍີ່ປຸ່ນທີ່ມີລັກສະນະສ້າງສັນແລະໝັ້ນຄົງທີ່ສອດຄ່ອງກັບຍຸກໃໝ່, ຊຶ່ງໄດ້ກຳນົດທິດທາງທີ່ຈະແຈ້ງໃຫ້ແກ່ການພັດທະນາການພົວພັນລະຫວ່າງສອງປະເທດ. ໃນເດືອນພຶດສະພາປີນີ້, ທ່ານຫຼີສຽງ ນາຍົກລັດຖະມົນຕີຈີນ ແລະ ທ່ານຟູມິໂອ ກີຊີດາ(Fumio Kishida) ນາຍົກລັດຖະມົນຕີຍີ່ປຸ່ນໄດ້ພົບປະກັນໃນໄລຍະກອງປະຊຸມຜູ້ນຳຈີນ-ຍີ່ປຸ່ນ-ສ.ເກົາຫຼີທີ່ນະຄອນຫຼວງເຊອຸນ, ແລະໄດ້ບັນລຸຂໍ້ຕົກລົງກ່ຽວກັບການຜັນຂະຫຍາຍໝາກຜົນຂອງການພົບປະທີ່ນະຄອນນະຄອນຊັນຟຣານຊິສໂກອາເມລິກາ. ສອງຝ່າຍຄວນນຳໃຊ້ຄວາມເຫັນດີເຫັນພ້ອມນີ້ເປັນທິດຊີ້ນຳ ເພື່ອຊຸກຍູ້ການພົວພັນຈີນ-ຍີ່ປຸ່ນຜ່ານຜ່າຄວາມຫຍຸ້ງຍາກ, ລົບລ້າງການແຊກແຊງ, ກ້າວໄປສູ່ເສັ້ນທາງທີ່ຖືກຕ້ອງ, ແລະບັນລຸການພັດທະນາຢ່າງໝັ້ນຄົງແລະຍາວນານ.

ທ່ານຫວາງຢີ້ກ່າວວ່າ, ການພົວພັນລະຫວ່າງຈີນກັບຍີ່ປຸ່ນໃນປະຈຸບັນພວມຢູ່ໃນໄລຍະທີ່ສຳຄັນຄືຖ້າບໍ່ກ້າວໄປໜ້າກໍ່ຈະຖອຍຫລັງ. ນະໂຍບາຍຂອງຈີນຕໍ່ຍີ່ປຸ່ນແມ່ນໄດ້ຮັກສາສະຖຽນລະພາບແລະການຕໍ່ເນື່ອງຢ່າງສະເໝີຕົ້ນສະເໝີປາຍ. ຫວັງວ່າຍີ່ປຸ່ນຈະສ້າງຄວາມເຂົ້າໃຈຢ່າງຖືກຕ້ອງແລະພາວະວິໄສທີ່ກ່ຽວກັບຈີນ, ແລະປະຕິບັດນະໂຍບາຍທາງບວກແລະສົມເຫດສົມຜົນຕໍ່ຈີນ. ສອງຝ່າຍຄວນເດີນໄປຕາມທາງທິດດຽວ, ຮັກສາພື້ນຖານການເມືອງຂອງການພົວພັນສອງຝ່າຍ, ເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ຄຸ້ມຄອງຄວາມເຫັນຂັດກັນຢ່າງເໝາະສົມ, ປະຕິບັດຍຸດທະສາດທີ່ຕ່າງຝ່າຍຕ່າງມີຜົນປະໂຫຍດຢ່າງແທ້ຈິງ.

ທ່ານນາງ Yoko Kamikawa ກ່າວວ່າ, ຍີ່ປຸ່ນແລະຈີນໄດ້ຢືນຢັນຄືນໃໝ່ວ່າຈະຊຸກຍູ້ການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ, ການແລກປ່ຽນລະຫວ່າງສອງປະເທດໄດ້ເພີ່ມຂຶ້ນເລື້ອຍໆ, ປະຊາຊົນຍີ່ປຸ່ນກໍມີຄວາມປິຕິຍິນດີແລະມີຄວາມຫວັງສູງຕໍ່ເລື່ອງນີ້, ແລະຫວັງວ່າຈະເພີ່ມທະວີການພົວພັນມິດຕະພາບລະຫວ່າງຊາວໜຸ່ມຂອງສອງປະເທດ. ຍີ່ປຸ່ນຈະອອກແຮງປະຕິບັດຄວາມເຫັນຮ່ວມກັນທີ່ສຳຄັນຂອງການນຳສອງປະເທດ, ເພື່ອສ້າງການພົວພັນລະຫວ່າງຍີ່ປຸ່ນ-ຈີນຢ່າງມີລັກສະນະສ້າງສັນແລະໝັ້ນຄົງ. ຍີ່ປຸ່ນຍຶດໝັ້ນຫຼັກໝັ້ນຈີນດຽວ. ການຮ່ວມມືຍີ່ປຸ່ນ-ຈີນມີຂົງເຂດກວ້າງຂວາງແລະຄວາມສາມາດບົ່ມຊ້ອນອັນໃຫຍ່ຫຼວງ, ແຕ່ຍັງມີບັນຫາທີ່ຍັງບໍ່ທັນແກ້ໄຂ. ຂໍ້ຈໍາກັດການສົ່ງອອກວິທະຍຸ(semiconductor)ຂອງຍີ່ປຸ່ນບໍ່ໄດ້ແນໃສ່ປະເທດໃດຫນຶ່ງ, ແລະຍິນດີຈະຮັກສາການສື່ສານແລກປ່ຽນກັບຝ່າຍຈີນຢ່າງມີລັກສະນະສ້າງສັນກັບ ແລະແກ້ໄຂຢ່າງເຫມາະສົມ. ໂດຍປະເຊີນໜ້າກັບການທ້າທາຍຂອງການປະທະກັນໃນທົ່ວໂລກແລະພາກພື້ນ, ຍີ່ປຸ່ນຍິນດີຮ່ວມກັບຈີນເພື່ອຊຸກຍູ້ຄວາມໝັ້ນຄົງແລະຄວາມຈະເລີນຮຸ່ງເຮືອງຂອງພາກພື້ນ.

ທ່ານຫວາງຢີ້ຍັງໄດ້ຢ້ຳຄືນຫຼັກໝັ້ນຂອງຈີນກ່ຽວກັບບັນຫາການປ່ອຍນ້ຳເປື້ອນນິວເຄຼຍຟູກູຊິມາອອກສູ່ທະເລ, ເນັ້ນໜັກເຖິງຄວາມຈຳເປັນຕ້ອງຮັບປະກັນການເຂົ້າຮ່ວມຢ່າງມີປະສິດທິຜົນຂອງພາກສ່ວນກ່ຽວຂ້ອງ, ການເກັບຕົວຢ່າງເອກະລາດ, ແລະສ້າງກົນໄກຕິດຕາມກວດກາສາກົນໃນໄລຍະຍາວ.

.md_Laos_page01 .md_hd{width:300px;}

ຄໍລຳ

ຮູບພາບ

ວີດີໂອ

ທົ່ງຫຍ້າຂອງເມືອງຊີ່ອູ່ຈູ່ມູ້ຊິ້ນທີ່ສວຍງາມ

ແບ້ກາຍເປັນ “ພະນັກງານຕັດຫຍ້າ”, ການຄຸ້ມຄອງສວນຊາດ້ວຍເຕັກນິກດີຈີຕອນໄດ້ຍົກສູງຄຸນນະພາບ ແລະ ຫຼຸດຜ່ອນຕົ້ນທຶນ