ພາສາລາວ

ກະຊວງການຕ່າງປະເທດມຽນມາປະທ້ວງຊາວອາເມຣິກາທີ່ລະເມີດມາດຕະການປ້ອງກັນພະຍາດໂຄວິດ-19 ຂອງມຽນມາ

cri2022-01-11 15:02:46
Share
Share this with Close
Messenger Pinterest LinkedIn

ວັນທີ 10 ມັງກອນນີ້, ກະຊວງການຕ່າງປະເທດມຽນມາໄດ້ອອກຖະແຫຼງການໂດຍປະທ້ວງຊາວອາເມຣິກາທີ່ໄດ້ລະເມີດມາດຕະການປ້ອງກັນພະຍາດໂຄວິດ-19 ຂອງມຽນມາ.

ຖະແຫຼງການກ່າວວ່າ, ເຈົ້າໜ້າທີ່ສະຖານທູດອາເມຣິກາປະຈຳມຽນມາທີ່ຖືໜັງສືຜ່ານແດນທາງການທູດສອງຄົນໄດ້ຂີ່ເຮືອບິນເດີນທາງມາຮອດມຽນມາໃນວັນທີ 2 ແລະ ວັນທີ 3 ມັງກອນນີ້ຕາມລຳດັບ, ລ້ວນແຕ່ຖືກບົ່ງມະຕິເປັນຜູ້ຕິດເຊື້ອພະຍາດໂຄວິດ-19, ຕ້ອງໄດ້ຮັບການປິ່ນປົວແບບກັກບໍລິເວນຕາມມາດຕະການປ້ອງກັນພະຍາດຂອງພາກສ່ວນສາທາລະນະສຸກມຽນມາ, ແຕ່ສະຖານທູດອາເມຣິກາປະຈຳມຽນມາພັດບັງຄັບຮັບເອົາສອງຄົນນີ້ກັບໄປ.

ກະຊວງການຕ່າງປະເທດມຽນມາກ່າວວ່າ, ເຈົ້າໜ້າທີ່ການຕ່າງປະເທດເຫຼົ່ານີ້ບໍ່ເຄົາລົບກົດໝາຍຂອງປະເທດທີ່ຕົນປະຈຳການຢູ່ ແລະ ສ້າງຄວາມສ່ຽງໃຫ້ກັບການແຜ່ລະບາດພະຍາດ, ແລະຈະທຳລາຍໍ່ສຸຂະພາບຂອງປະຊາຊົນມຽນມາຢ່າງຮ້າຍແຮງ, ມຽນມາປະທ້ວງເລື່ອງນີ້ຢ່າງເຄັ່ງຂຶມ ແລະ ຈະສືບຕໍ່ລົງໂທດຜູ້ທີ່ລະເມີດມາດຕະການປ້ອງກັນພະຍາດທີ່ກ່ຽວຂ້ອງ.

Share this story on

Messenger Pinterest LinkedIn