ເສັ້ນທາງລົດໄຟຈີນ－ລາວເປີດນຳໃຊ້ແລະໃຫ້ບໍລິການຕະຫລອດສາຍໃນວັນທີ 3 ທັນວານີ້

ການເປີດນຳໃຊ້ແລະໃຫ້ບໍລິການທາງລົດໄຟຈີນ-ລາວ ຈະອຳນວຍ ຄວາມສະດວກໃຫ້ແກ່ການເດີນທາງຂອງປະຊາຊົນຢ່າງຫລວງຫລາຍ, ຊຸກ ຍູ້ການພັດທະນາໃນດ້ານຕ່າງໆຢູ່ລຽບຕາມເສັ້ນທາງລົດໄຟເຊັ່ນ ການ ທ່ອງທ່ຽວ, ກະສິກຳ, ຊັບພະຍາກອນນ້ຳ ແລະການກໍ່ສ້າງຕົວເມືອງ, ປະກອບສ່ວນເຂົ້າໃນການພັດທະນາເຂດນິຄົມເສດຖະກິດຕ່າງໆເປັນຕົ້ນເຂດ ພັດທະນາກວມລວມໄຊເສດຖານະຄອນຫລວງວຽງຈັນ, ເຂດຮ່ວມມືເສດຖະກິດບໍ່ຫານ -ບໍ່ເຕັນລະຫວ່າງຈີນ-ລາວ ແລະອື່ນໆ. ທັງມີຄວາມໝາຍສຳຄັນຍິ່ງຕໍ່ກັບການຮັດແໜ້ນການຮ່ວມມືດ້ານເສດຖະກິດສັງຄົມແລະການແລກປ່ຽນແລະການຮ່ວມມືດ້ານວັດທະນະທຳລະຫວ່າງສອງປະເທດ,ການເລັ່ງການສ້າງແລວເສດຖະກິດຈີນ-ລາວໃຫ້ໄວຂຶ້ນກໍຄືການສ້າງຄູ່ຮ່ວມຊາຕາກຳຈີນ-ລາວ. ໃນຖານະເປັນສາຍທາງຫລັກທີ່ສຳຄັນຂອງ ທາງລົດໄຟອາຊີ, ທາງລົດໄຟຈີນ-ລາວຍັງຈະກາຍເປັນ “ກະແຈຄຳ” ຂອງ ປະເທດລາວທີ່ທິດເໜືອເຊື່ອມຕໍ່ກັບປະເທດຈີນ, ທິດຕາເວັນຕົກເຊື່ອມຕໍ່ກັບປະເທດໄທ, ມະເລເຊຍ ແລະປະເທດອື່ນໆໃນອາຊຽນ, ເຊິ່ງຈະສົ່ງຜົນດີໃຫ້ກັບການຮ່ວມມືດ້ານເສດຖະກິດໃນເຂດການຄ້າເສລີຈີນ-ອາຊຽນ ແລະອະນຸພາກພື້ນແມ່ນ້ຳຂອງ.

Share with:

2021-12-03 17:25:11 ັcri